يا ترى خريطة توصيل الغاز الطبيعي لمنازل المصريين في كل محافظات المحروسة وصلت فين، وكمان الأسعار دلوقتي على إيه، الغاز بيتركب كاش ولا تقسيط، وإيه هي التسهيلات الليط ممكن تقدمها الحكومة للمواطنين الراغبين في الحصول على الخدمة دي..
كثير من المصريين بيدورا على الإنترنت عن تكلفة توصيل الغاز الطبيعي للمنازل، وده حصل خاصة مع قرار وزارة البترول الأخير بعودة نظام التقسيط والي بيمتد ل 7 سنين.
وكانت وزارة البترول والثروة المعدنية، قالت في بيان رسمي، إنه تن عودة نظام تقسيط تكلفة توصيل الغاز الطبيعي للمنازل مع فاتورة الاستهلاك الشهري على 7 سنين.
طب بعد الإعلان ده.. يا ترى الحكومة بتدعم أسعار الغاز الطبيعي للمنازل إزاي؟
بص يا سيدي، قرار وزارة البترول الأخير بعودة تقسيط خدمة توصيل الغاز، جه بعد استقبالها شكاوى كتيرة بتطالب بعودة نظام التقسيط سواء من خلال بوابة الشكاوى الحكومية الموحدة أو اللقاءات الدورية مع نواب البرلمان، وآخرها كان اجتماع وزير البترول والثروة المعدنية مع نواب البرلمان يوم 13 نوفمبر.
عشان كده، قررت الوزارة تطبيق نظام التقسيط بدون مقدم أو فوايد، مع تحصيل الأقساط مع فاتورة الاستهلاك الشهري على 7 سنين، على أن يتم تمويل المساهمة لشركات التوصيل التابعة للقطاعين العام والخاص بواسطة الشركة المصرية القابضة للغازات الطبيعية.
وبخصوص موقف التعاقدات السابقة للقرار، فأعلنت وزارة البترول والثروة المعدنية أن أية تعاقدات سابقة تمت بعد إلغاء نظام التقسيط بشهر يونيو الماضي، هيتم إدراجها ضمن نظام التقسيط مرة تانية ، وعلى الشركات المنفذة للتعاقدات اتباع الإجراءات المنظمة لذلك.
وبعد كل ده، كتير ييهتموا يعرفوا تكلفة توصيل الغاز الطبيعي للمنازل، واللي كان وزير البترول اتكلم عنها في ندوة حزب مستقبل وطن بمقر الأمانة المركزية للحزب يوم 19 نوفمبر، وقال إنها في الوقت الحالي بتوصل ل 8500 جنيه، بتتحمل منه وزارة البترول جزء، وبيقوم العميل بسداد 5 آلاف جنيه فقط للتوصيل، يعني القسط الشهرى أقل من 60 جنيه.
وكان تم التعاقد مع عدة بنوك عشان يتم التحصيل من خلالها، لأن توصيل الغاز للمنازل موضوع مهم جدا، وزارة البترول بتستهدف العمل عليه عشان بيوفر بشكل كبير من فاتورة استيراد البوتاجاز.
ولكن في شوية شروط عشان تقدر حضرتك تركب الغاز الطبيعي، واللي هي إنك تركب المدخنة، والهواية، ولازم يحصل ارتفاع السخان عن الأرض، وارتفاع شمعة السخان.
أما الأوراق المطلوبة للتقديم على الغاز الطبيعي للمنازل، فهي صورتين من بطاقة الرقم القومي أو جواز السفر (بشرط أن تكون سارية)، وصورتين من عقد التمليك أو الإيجار الخاصة بالوحدة السكنية المراد تركيب سخان الغاز لها، وأﻻّ ﺗﻘﻞّ ﻣﺪة عقد الإيجار وﻗﺖ اﻟﺘﻌﺎﻗﺪ ﻋﻦ 10 أعوام، وإذا كانت مدة ﻋﻘﺪ الإﻳﺠﺎر أﻗﻞ ﻣﻦ 10 أعوام، يستلزم ﻋﻤﻞ إﺛﺒﺎت ﺗﺎريخ، وكمان صورتين لفاﺗﻮرة ﻛﻬﺮﺑﺎء أو مياه ﺣﺪيثة مدتها لا تقلّ عن 5 أشهر و بالعنوان المذكور بعقد الشقة أو فاتورة شحن حديثة لعدّاد الكارت أو فاتورة الهاتف الأرضي بها استهلاك محلي و مخصصة للشقة نفسها و باسم العميل طالب التعاقد، مع إحضار الأصل.
وماتنساش تجهز ورقك، وتتوجه لأقرب شركة غاز تابعة للحي السكني الخاص بك، عشان تبدأ تركب الغاز الطبيعي وتتمتع بالخدمة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
