إمام عاشور يكشف كواليس أزمته مع نبيل عماد دونجا ودور شيكابالا.. وموعد فرح محمود كهربا

قال إمام عاشور لاعب النادي الأهلي، بأنه لا يحب الأزمات نهائيا ومن يعرفه يعرف بأنه صاحب قلب أبيض وطيب، ويستعرض موقع تحيا مصر تصريحات إمام عاشور.

إمام عاشور مع حارس الأهلي

وأضاف إمام عاشور في تصريحات تليفزيونية مع الإعلامي أحمد شوبير على قناة الأهلي، علاقتي بلاعيبه نادي الزمالك كويسه وبنتكلم على طول وهما صحابي وشيكابالا هو الوحيد اللي مش بيكلمني من لاعيبه الزمالك.

وتابع إمام عاشور، في مباراة كأس مصر في السعودية شيكابالا قالي أنا زعلان منك علشان مش بترد عليا، وفي أزمة دونجا قولت لشيكابالا يقول لدونجا يبطل ضرب فيا علشان مش ياخد إنذار تاني ويتطرد من المباراة.

وزاد إمام عاشور، كنت زعلان جدا بسبب اللي حصل للاعيبه الزمالك في الإمارات وأي شخص ممكن يتعرض لنفس الموقف، وعلاقتي أنا ودونجا كنا صحاب وبنلعب ضد بعض في الدورات.

وأشار إمام عاشور، محمود كهربا كل شوبة يقولنا أنا هتجوز يوم الإثنين ومفيش أي أزمات داخل النادي الأهلي معايا.

واختتم إمام عاشور تصريحاته، كل فلوسي في الأهلي بتوصل في ميعادها ومفيش أي تأخير في المستحقات وسعيد في النادي الأهلي.

حديث إمام عاشور عن كهربا

وأضاف إمام عاشور في تصريحات تليفزيونية على قناة الأهلي مع الإعلامي أحمد شوبير، يابخت اللي صاحبة محمود كهربا، وكلنا لاعيبه الأهلي أتكلمت مع الإدارة بعد الأزمة الأخيرة في السوبر المصري وتخفيض الغرامة ولكن القرار كان صح.

وتابع إمام عاشور، كهربا من الشخصيات اللي تحبها من أول نظرة وأي كلام بيتقال عليه كله غلط في غلط وبقى أقرب شخص ليا في النادي الأهلي.

وزاد إمام عاشور، كهربا قالي كلنا مستنيينك في النادي الأهلي وسهلي كل شيء في أول يوم ليا داخل النادي الأهلي، وعلاقتي بكهربا بدأت في النادي الأهلي وقبل الأهلي مش كنت بقابله إلا في مباريات الأهلي والزمالك.