حرصت الفنانة شيرين عبد الوهاب على تهنئة مدير أعمالها السابق إيهاب صالح بعيد ميلاده والذي يحل اليوم الجمعة الموافق 8 من شهر نوفمبر الجاري، مشيرة إلى أنه ليس فقط مدير أعمالها، بل أيضا صديق وابن لها وهو أول من جعلها تشعر بالأمان.
شيرين عبد الوهاب لمدير أعمالها السابق: وش السعد عاليا ومعرفتش الأمان إلا معاك
وقالت شيرين عبد الوهاب في منشور رصده موقع تحيا مصر عبر حسابه الرسمي بموقع تبادل الصور والفيديو انستجرام في منشور رصده موقع تحيا مصر: أول مرة في حياتي يكون حد مسئول عن شغلي ويكون مسئول عن حياتي، بجد أكتر من ابن أخ وصديق.. كل سنة وانت طيب يا إيهاب، يا ابني وصحبي ومدير أعمالي ووش السعد عليا ياللي معرفناش الأمان غير لما بقيت انت حولينا.
وتابعت شيرين عبد الوهاب حديثها: أنا بحبك انا ومريم وهنا وربنا يخليك لينا وتفضل دائما في حياتنا، مش مدير أعمال انت ابني واخويا وصحبي وبإذن الله السنة الجاية أكون بغني في فرحك وربنا يرزقك ببنت الحلال اللي تستاهلك.
اعتذار إيهاب صالح عن العمل مع شيرين عبد الوهاب
وكان قد اعتذر إيهاب صالح عن العمل مع شيرين عبد الوهاب وذلك بعد حفلها الغنائي في جدة الذي أقيم أمس الأحد، حيث جاء منشوره: جمهور شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول و طبعا بعد كدة ليا. قررنا إن من الافضل لينا إن نحط صداقتنا و العشرة قبل أي حاجة و إني ابتعد عن إدارة أعمالها و ده أكيد لمصلحة الطرفين و لينا اسبابنا.
وتابع: مبروك و شكرا يا شيري من كل قلبي و يا رب اكون كنت على قد وعدي و كلمتي ليكي انى دايما في ضهرك و الحمد لله الدنيا دارت من أول و جديد و تكسري الدنيا حفلة بعد حفلة و خلاص أهو الالبوم على أبواب و متأكد إنه هينجح نجاح غير عادي. فرحان بشكل ملوش وصف بنجاحك و رجوعك بالقوي دي و ده إللي اتعودنا علية منك طول السنين دي. أنا كدة كدة دايما موجود زي مانتي عارفة و ربنا يديم كل أللى بينا على خير و أسف لو في أي لحظة كنت قصرت معاكي باي شكل .
شيرين عبد الوهاب وحفل الكويت
من ناحية أخرى، تستعد شيرين عبد الوهاب لإحياء حفل غنائي في دولة الكويت بيوم 29 من شهر نوفمبر، ضمن فعالية "رود رش" السنوية التي تعود بدورتها الـ13 في مدينة الكويت لرياضة المحركات (KMT)، وسيتم طرح التذاكر قريبا من خلال الموقع الرسمي لأيفنتات.
