ناس كتير حاليا بتشتكي من أسعار العقارات وبتقول أنها مرتفعة.. وكل خبراء العقارات بياكدوا أن السوق بيعاني من فقاعة عقارية .. ياتري اية حقيقة الكلام ده.. وامتي أسعار العقارات هتنزل في مصر
أزمة حقيقية بيشعها سوق العقارات المصري حاليا، وفي ارتفاع كبير في نسبة المعروض من الشقق والعقارات للبيع، وللاسف في ركود شديد في حركة البيع والشراء وكل خبراء العقارات أكدوا أن السوق المصري حاليا بيشهد فقاعة عقارية وان الأسعار المعروضة حاليا بعيدة تماما عن الواقع واغلي بكتير من سعر المعروض.
طيب اية هو سبب ارتفاع العقارات في مصر ؟.
اغلب أصحاب العقارات الناس اللي بتستثمر فلوسها في العقارات بتربط السعر بسعر صرف الدولار في مصر وكمان بيكون التسعير اعلي بكتير من السعر الرسمي لانهم متأكدين أن السعر اللي جاي هيكون اعلي خصوصا أن أغلب اللي شغالين في الاستثمار العقاري بيكونوا متأكدين أنهم هيشتروا في الفترة اللي جاية بسعر اعلي، ده غير الارتفاع اللي موجود حاليا في أسعار مواد البناء سواء كانت حديد أو مواد تانية بتدخل في البناء .
خبراء العقارات أكدوا إن أسعار بيع العقارات والإيجارات في مصر بتشهد ارتفاع نتيجة أسباب كتيرة منها تحرير سعر صرف الجنية المصري مقابل العملات الأجنبية، والنقطة دي كان لها تأثير كبير جدا في زيادة تكلفة قطاع البناء والتشييد في مصر، ده غير أن سوق العقارات في مصر كان بيشهد ارتفاع كبير في الطلب في الفترة اللي فاتت نتيجة دخول جنسيات كبيرة جدا من الدول المجاورة واللي عندهم مشاكل جيوسياسية بسبب الحروب والصراعات الموجودة حاليا في عدد كبير من دول المنطقة العربية.
الخبراء أكدوا أن ارتفاع أسعار الفايدة علي شهادات الادخار لها عامل مباشر برضوا في ارتفاع أسعار العقارات في مصر، خصوصا أن كل الاسعار في مصر بقت مرتبطة بسعر الصرف. أسعار الفايدة، وده اللي خلي أسعار العقارات ارتفعت في الفترات اللي فاتت الأسعار في مصر ترتفع بنسبة بتتراوح بين 145 - 148% في الربع الثالث من 2024، وده قياس على ارتفاع بنسبة 175-180% في الربع الثاني على أساس سنوي، وان الأسعار في ارتفاع مستمر خصوصا أن استمرار ارتفاع سعر القايدة في مصر لها انعكاسات مباشرة علي كل القطاعات اللي موجودة في الدولة .
طيب أسعار العقارات رايحة علي فين في 2025؟.
كل التوقعات بتقول أن أسعار العقارات في سنة 2025، وفقا للخبراء في الملف ده، رايحة على ثبات لان دلوقتي السوق العقاري بيشهد حالة من الاستقرار وده انعكس بالإيجاب على اسعار العقارات في مصر .
الخبراء أكدوا أنه في في حالة تخفيض البنك المركزي المصري للفائدة هيحصل انخفاض لأسعار العقارات،. الخبراء نصحوا الناس اللي عايزين يشتروا شقق أو عقارات ينزلوا يشتروا دلوقتي خصوصا ان الفترة اللي جاية مش مضمونة محدش عارف فيها اية .
كل المؤشرات بتقول إن أسعار العقارات خلال الفترة اللي جاية لحد بداية سنة 2025، هتشهد حالة من الاستقرار، وده بالتزامن مع الارتفاعات الكبيرة اللي شهدتها أسعار العقارات في الفترة اللي فاتت، خاصة من سبتمبر 2023 وحتى نهاية فبراير 2024، لأن وقتها زادت أسعار العقارات بنسبة ما بين 60% إلى 75%، وكان في تزايد كبير في الطلب.
المتوقع أن الطلب علي شراء العقارات في الفترة اللي جاية هيزيد خلال الفترة الجاية، خصوصا مع تزايد معدل النمو السكاني في مصر واللي بيقارب 2 مليون نسمة سنويا، ومن الطبيعي إن الزيادة السكانية تحتاجحوالي 200 ألف وحدة سكنية سنويا، ومع تزايد حالات الزواج هيكون في إقبال على العقارات بالتزامن مع قلة المعروض خاصة في الإسكان الاجتماعي والمتوسط.
الخبراء قالوا كمان أن المشروعات الموجودة حاليا واللي معلنة من وزارة الإسكان سواء كانت مشروعات سكن مب المصريين 5 أو الإسكان المتميز واللي برضوا مفتوح التقديم عليهم حاليا هيعملوا هدوء نسبي في أسعار العقارات في مصر خصوصا أن في نسبة كبيرة من الشعب المصري وجه الفلوس اللي كانت معاه وقدم في الإسكان الاجتماعى أو الإسكان المتميز أو كمان يقدم علي حتة ارض تابعة للوزارة .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
