الاقتصاد المصري رايح على فين في 2025 وايه المفاجآت اللي هيحصل في السنة الجديدة وازاي الاقتصاد والتجارة هينتقلوا نقلة كبيرة في الشهور الجاية... خليكم معانا للآخر وهتعرفوا التفاصيل
اي اقتصاد في العالم ايه مراكز قوة هي اللي بتقودة يعني في أوروبا وامريكا مثلاً الصناعة والزراعة والتجارة والاستثمار واحتكار التكنولوجيا والتصدير هي أساس تقدم اقتصادياتها والعيش في رفاهية وفي دبي الخدمات والتسوق هو الاقتصاد الأبرز في الامارة الإماراتية وهكذا في بقية دول العالم اللي عندها اقتصاد قوي وفي دولة زي تركيا وهي الأقرب لينا من حيث الجغرافيا وبدايات الاقتصاد كان التصدير والكواليتي هو طريقها للأسواق الخارجية ودلوقتي تركيا بتصدر باكتر من 300 مليار دولار.
في مصر ولظروف كتير أغلبها غياب خطط واضحة للمستقبل بعد فترة الستينات والحروب الكتير اللي دخلتها بداية من حرب 67 مروراً بالاستنزاف ووصولا لنصر أكتوبر توقفت كل خطط التنمية وكان الاهتمام كله منصب على المجهود الحربي ودا كان منطقي لأن الأرض عند المصريين كانت أهم من الأكل والشرب نفسه لكن بعد نصر 73 الدولة غلطت غلطة عمرها وفتحت الباب للاستيراد ورسخت عقدة الخواجة بسبب الفرق الكبير في الجودة بالنسبة للمنتجات المستوردة عن نظيرتها المصرية لأن الصناعة عندنا كانت قديمة وشبه متوقفة نتيجة الحروب والنتيجة بقينا مجتمع استهلاكي بيعتمد على الاستيراد بشكل كبير وبقى المنتج المستورد ليه الأولوية في الأسواق وعند المشترين ودا لأن مكانش فيه خطط واضحة للنهوض الاقتصادي ووصلت فاتورة الاستيراد ل100 مليار دولار في وقت من الأوقات.
طيب ايه الجديد في الاقتصاد المصري ؟
لما وصل الرئيس السيسي لرئاسة الجمهورية بعد ظروف كلنا عارفينها مصر بدأت لاول مرة في تاريخها تشتغل على خريطة واضحة المعالم واهداف ظاهرة وبتوقيتات زمنية معروفة وبدراسة جدوى لكل مشروع وانطلقت مصر تبني في كل حتة بنية أساسية ومدن ذكية وموانئ وتجارة واستثمار ومهدت الطريق لتوطين الصناعة والتصدير وآلاف المشروعات اللي تبنت وغيرت شكل الاقتصاد..
طيب ايه اللي هيحصل في الاقتصاد المصري في 2025؟
كل التوقعات بتقول إن الاقتصاد المصري هيرجه ينطلق تاني وهيحقق طفرة في التدفقات الدولارية من كل قطاعات الاقتصاد اللي بتجيب عملة صعبة.. طيب ازاي ؟
شوف حضرتك مصر بتجيب دولار من 5 موارد إساسية وهي قناه السويس والسياحة والاستثمار المباشر والتصدير وتحويلات المصريين ولو بصينا للأرقام المتوقعة في كل مصدر هتعرف أن مصر داخلة على ايام افضل بكتير من اللي عدت
وبالارقام متوقع مثلا زيادة ضخمة في حجم الاستثمارات المباشرة اللي جاية مصر واللي هتزيد عن 30 مليار دولار وفي قطاع السياحة الأرقام بتقول إن موسم 2025 هيكون موسم استثنائي في الإيرادات مع انخفاض حدة الصراع في المنطقة ومع اكتمال افتتاح مشروعات سياحية ضخمة وإن السنة الجاية هتكون الطريق لتحقيق 30 مليار دولار ايرادات ضمن خطة الوصول ل30 مليون سائح سنوياً
وبالنسبة لقطاع التصدير فالارقام بتزيد بشكل كبير جدا كل سنة عن اللي قبلها وشفنا الطفرة في التصدير خلال 2024 والى زادت عن 30 مليار دولار غير الصادرات البترولية.
اما قناة السويس واللي مصر خسرت 60% من إيراداتها فمتوقع ترجع تاني وتحقق إيرادات السياحة قوية مع انتهاء الصراع في المنطقة وتسترد مصر مليارات الدولارات اللي راحت منها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
