النهاردة وزارة الكهرباء والطاقة المتجددة عندها حدث تاريخي وهو افتتاح محطة الطاقة الشمسية بمنطقة ابيدوس.. ياتري اية حكاية المحطة دي.. وشغالة ازاي وهتوفر اد اية تيار كهربائي علي الشبكة الموحدة للكهرباء
في الفترة اللي فاتت وزارة الكهرباء والطاقة المتجددة اشتغلت بشكل جامد جدا علي تأمين الاحتياجات الأساسية للمواطنين من الطاقة وكان السبب الأساسي من التحركات دي هو إنتهاء العمل بخطة تخفيف الاحمال وقطع الكهرباء واللي الحكومة فضلت أكثر من 365 يوم شغالة بيه علي كل المحافظات.
بعد ما الحكومة نجحت في القضاء علي أزمة تخفيف الاحمال وقطع الكهرباء في مصر، دخلنا فترة جديدة وهي تأمين الاحتياجات اليومية وتخفيف الضغط علي المواد البترولية والغاز الطبيعي اللي الدولة بتستخدامه علشان محطات توليد الكهرباء وكان الخل المثالي هو الاتجاه للاعتماد علي مصادر الطاقة الجديدة والمتجددة واللي متمثلة في الشمس والرياح وده اللي حصل وفعلا الدولة فتحت أكثر من مشروع للاستخدامات الطاقة وخصوصا في منطقة اسوان بالنسبة لمحطات توليد الكهرباء من الشمس ومنطقة خليج السويس لتوليد الكهرباء من طاقة الرياح.
طيب ايه حكاية محطة توليد الكهرباء في ابيدوس بأسوان ؟.
الدكتور مصطفى مدبولى، رئيس الوزراء، ومعاه الدكتور محمود عصمت وزير الكهرباء والطاقة المتجددة، افتتحوا محطة ابيدوس الشمسية بأسوان بقدرة 560 ميجا وات
الدكتور مصطفى مدبولى، رئيس الوزراء، اتكلم خلال الافتتاح وقال إن افتتاح محطة أبيدوس للطاقة الشمسية كان بالشراكة مع وزارة الكهرباء والطاقة المتجددة بدولة الامارات.
رئيس مجلس الوزراء كمل كلامه وقال إن محطة أبيدوس بأسوان بتأكد توجه الدولة للتعامل الأمثل مع الموارد الطبيعية لمصر، وبياكد كمان صحة التوجه اللي بتقوم بيه الحكومة حاليا لتوفير التمويل اللازم للوقود اللازم لتغطية احتياجات شبكة الكهرباء وعدم العودة لتخفيف الأحمال مرة تانية .
الدكتور محمود عصمت وزير الكهرباء هو كمان اتكلم خلال الافتتاح وقال إن الوزارة بتهدل لدخول 14 ألف ميجاوات من طاقة الرياح، و8 آلاف ميجاوات من الطاقة الشمسية بحلول 2030، والمشروعات دي الهدف الأساسي منها هو تقليل الاعتماد على الوقود الاحفورى.
وزير الكهرباء والطاقة المتجددة قال كمان، أن استراتيجية مصر 2040 بتستهدف إضافة 65 ألف ميجاوات من الطاقة المتجددة لخفض الاعتماد على الوقود، وأكد كمان أن في مرحلة تانية من مشروع محطة أبيدوس الشمسية بقدرة ألف ميجاوات، هيتم تنفيذها بالتعاون مع شركة اميا باور الإماراتية، ولأول مرة المحطة دي هتضم 600 ميجاوات.
طيب اللي بتعمله الحكومة لتأمين التغذية الكهربائية لمصر في الفترة إللي جاية ؟.
الاسبوع اللي فات الدكتور مصطفى مدبولي عقد اجتماع استعرض فيه تطورات الموقف التنفيذي لمشروع الربط الكهربائي بين مصر السعودية، ورئيس مجلس الوزراء أكد علي ضرورة مواصلة تكثيف الجهود المبذولة لاستكمال هذا المشروع، والالتزام بالخطة الزمنية في ضوء توجيهات القيادة السياسية، لعدم العودة لتطبيق تخفيف الاحمال.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
