بكرة وزارة الأسكان هتفتح باب الحجز في مشروع سكن لكل المصريين 5 لكل المصريين، وفي نسبة كبيرة جدا من الناس كانت مستنية الإعلان ده.. بس في ناس كتير متعرفش أية هيا الشروط اللي حددتها الدولة علشان المواطن يضمن الحصول علي شقة سكنية في الأعلان الجديد.. لو عايز تعرف اية هيا الشروط دي اقرأ التقرير ده للآخر
وزارة الإسكان والمجتمعات العمرانية، أعلنت عن طرح كراسات الشروط لمشروع سكن لكل المصريين 5 يوم 18 من شهر نوفمبرا الحالي لأخواتنا من ذوي الاحيتاجات الخاصة، وبكرة الوزارة هتفتح باب الحجز لكل المصريين بما فيهم اخواتنا ذوي الاحتياجات الخاصة وباب الحجز هيفضل مفتوح لحد يوم 24 من شهر ديسمبر اللي جاي.
المشروع ده في نسبة كبيرة من الشعب المصري متسنياه من زمان بسبب الاسعار العالية في اسعار العقارات، واللي بقت صعبة علي اي حد يقدر يشتري بيها دلوقتي، علشان كده متوقع يكون في اقبال كبير من الناس علي مشروع سكن كل المصريين 5، خصوصا أن النوع ده من المشروعات بيكون في دعم كبير من الدولة، والمواطن بيدفعها علي مدار 20 سنة، ومش بيدفعها مرة واحدة .
طيب اية هيا الشروط اللي حددتها الوزارة للمواطنين لضمان الحصول علي شقة في الأعلان الجديد؟..
وزارة الإسكان والمرافق والمجتمعات العمرانية أعلنت عن شروط التقديم على شقق الاسكان الاجتماعي 2024 واللي مطروحة في 8 مدن جديدة بمحافظات مختلفة على مستوى الجمهورية .
الشروط اللي حددتها الوزارة لضمان الفوز بشقة سكنية في القرعة الحالية هيا أن يكون المتقدم مصري الجنسية، وأن يكون عمر المتقدم ميقلش عن 21 سنة وميزدش عن 50 سنة، ويكون مش مقدم علي أكتر من وحدة سكنية في نفس الإعلان، وسداد مبلغ جدية الحجز، ويكون عنده ما يثبت إقامته في المحافظة اللي مقدم علي وحدة سكنية فيها، ويكون لا هو ولا حد من اسرته استفاد بوحدة سكنية من الوزارة أو قطعة أرض من الوزارة في اي اعلانات قبل كده، ويكون الدخل الشهري للمتقدم ميقلش عن 3500 جنيها وميزدش عن 12 الف جنيه للشاب الاعزب، وميزدش عن 15 الف جنيها للأسرة، وكماة يسدد إثبات المتقدم لقدرته على سداد الأقساط.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
