كشف الإعلامي أحمد موسى عن تفاصيل تعاون أبو بكر خلاف أحد اعلاميي جماعة الاخوان الإرهابية مع احدى القنوات الإسرائيلية.
وقال موسى خلال برنامج "على مسؤوليتي" المذاع على قناة "صدى البلد": "أبو بكر خلاف غير اسم أبوه وكان هنا في مصر واتكلمت عليه في 2013 وكان عنده موقع هنا في مصر وقلت يا جماعة خلوا بالكم وقلت عليه جاسوس من 2013 مش في 2024 وقلت أبو بكر خلاف الجاسوس وقلت علاقته بالموساد".
وأضاف: "هو مراسل أي 24 القناة الإسرائيلية اللي عاملين عننا التقرير وبيطلع على قوات الإخوان وكلهم وجهين لعملة واحدة، أبو بكر خلاف غير اسم أبوه إلى أبو بكر إبراهيم أوغلو أدي اخواني وشغال معاهم".
وتابع: "القنوات الإسرائيلية مستضفينه ودا الجاسوس بتاع الإخوان عشان تعرف أن الإخوان والموساد بيشتغلوا ضد مصر أيد واحدة وطلع مع مين كمان؟ محمد ناصر الجاسوس والأكاذيب اللي بتتعلم على القنوات دي اللي بيعمل الإسكريبت بتاعهم الموساد".
وواصل: "المجرم الخاين الجاسوس محمد ناصر والمجرم أبو بكر خلاف أعداء للبلد وهما الاتنين يبقوا إيد واحدة ضد مصر وكانوا كل الأكاذيب بيروجوا ليها وكله الموساد هو المصدر لكل ما يكتب وينشر على قنوات تنظيم الإخوان الإجرامي وهما أصدقاء أيدي كوهين".
وذكر: "ناصر مستضيف الجاسوس بتاعهم ما يطلع يقول جايبه منين هيكتب تل أبيب؟ ميقدرش عشان تعرفوا الإخوان والموساد إيد واحدة ضد مصر والجيش المصري وضد القائد الرئيس عبد الفتاح السيسي".
