أثارت رحاب منيعم خبيرة علم الفلك جدلا واسعا خلال الساعات الماضية بعد نشر توقعات صادمة عن الفترة المقبلة.
وقالت رحاب منيعم، عبر حسابها الشخصي على موقع التواصل الاجتماعي فيس بوك والذي رصدها موقع تحيا مصر، «مع بلوتو الدلو وخلال السنوات القريبة الجاية هيحصل اول تواصل معلن وحط تحت معلن 100 خط بين البشر والكائنات الفضائية وهتكتشفوا انهم بينا من زماان اوي وان كل افلام الخيال العلمي اللي بتتفرجوا عليها من سنين مكنتش خيال اوي».
زيادة حالات التنمر
وكانت صرحت خبيرة الفلك خبيرة علم الفلك عبر حسابها الشخصي على موقع التواصل الاجتماعي فيس بوك ورصده موقع تحيا مصر، «الفترة دي المريخ قوي جدا خاصة بمعارضته لبلوتو وبيرجع طاقتنا بشكل كبير بالتدريج وخاصة ابراج الاسد العقرب الحمل الوقت ده جيد لبداية ريجيم ولانقاص الوزن ولبدء رياضة والحرق بيكون قوي وقت مناسب للعمليات الجراحية، وقت مناسب لبدء اي شئ محتاج جراة وقوة وخاصة للاطفال يعني ممكن تكسروا عندهم عقدة او خوف من شئ معين ورغم كده الفترة دي بيزيد جدا حالات التنمر ومشاكل الاطفال والمراهقين مع بعض فلازم تنتبهوا لده مع اولادكم ويفضل يحطوا طاقتهم في لعبة او رياضة علشان ميطلعوش العنف او الطاقة دي علي زمايلهم او اخواتهم».
وتابعت، «المريخ في اتصال جيد مع عطارد ممكن يساعد البعض في التخلص من مشاكل الكلام او التأتأة او خوفهم من الكلام وهتلاحظوا ان الناس بتتكلم بسرعة او صوت عالي اكتر من المعتاد وافكارهم ملخبطة شوية بس غالبا ده كويس علشان من الاندفاع ده ممكن يوصلكم اعترافات او زلات لسان تعرفكم حقيقة مستخبية عنكم وصعب معاها الكدب شوية لانه هيتكشف بسهولة».
