الحل السحري اللي وفر علي لمصر مخزون كبير من الدولار

مصر في فترة من الفترات كانت واحد من اكتر الدول إنفاقا للعملات الأجنبية وخصوصا الدولار وكان للاسف الدولار ده غالبا بيروح لاستيراد سلع وحاجات سهل جدا ان مصر تصنعها أو تستغني عن استيرادها خالص... ياتري ازي مصر حجم من الانفاق الدولاري.. وازاي ده ساعد مصر في ترشيد استهلاك الدولار

من فترات طويلة ومصر بتعاني من استيراد سلع كتير جدا ووصلت فاتورة الاستيراد ل100 مليار دولار في وقت من الأوقات مع ارتفاع الأسعار العالمية بشكل غير مسبوق  والاستيراد ده كان عامل ضغط شديد قوي علي البنوك علشان يحصلوا علي الدولار، وعلشان كده في فترة من الفترات الدولة اخذت قرار بوضع اشتراطات وتعليمات خاصة لرصف الدولار .

طيب اية هيا القرارات اللي اخدتها مصر لترشيد سحب وانفاق الدولار ؟.
البنك المركزي المصري في فترة من الفترات اخذ اكتر من قرار لترشيد إنفاق الدولار، وده بسبب تراجع احتياطي النقد الأجنبي في مصر واللي وصل في سبتمبر 2022 الي 33.1 مليار دولار، مقابل نحو 45 مليار دولار في فبراير من نفس السنة.

البنك المركزي في الفترة دي وبسبب تراجع الاحتياطي الأجنبي قرر تحديد سقف للسحب بالدولار من الخارج، كمحاولة للحفاظ على العملة الصعبة بالحد من سحب الدولار من البلاد إلى الخارج، وده كان واحد من الاجراءات اللي كانت قامت بيها الدولة المصرية في الفترة اللي كانت بعد القرار الأول لتحرير سعر صرف الجنية المصرية المصري في 2016.
السبب الاساسي في قرار البنك المركزي بتحديد حد بسقف للسحب الدولاري كان سببه وجود تلاعب من بعض المواطنين واللي كانوا بيصرفوا الدولار بسعره الرسمي في البنوك ويرجعوا يبيعوه في السوق السودا بسعر أعلي من سعره الرسمي للاستفاد من فرق السعر، خصوصا أن الفترة كانت كانت مصر بتشهد ارتفاع كبير في السحب بالدولار الأمريكي من الخارج واللي وصل معدل السحب لـ100% وده اللي دفع البنوك المصرية لوضع حد للسحب الدولاري من الخارج.
البنوك المصرية كانت في الوقت ده مش حاطة اي شروط للسحب الدولاري للعملاء اللي عندهم حسابات بالدولار في مصر، وكانت اجراءات السحب مطبقة بس علي العملاء اللي عندهم حسابات بنكية بالجنيه المصري وعايزين يسحبوا بالدولار وهما خارج مصر .
البنك المركزي كان في الفترة دي مش حاطط حدود للسحب الدولاري، وكان السحب بيختلف باختلاف البطاقات البنكية، وكانت بتوصل لـ 20 ألف دولار شهريا، وأن العلاج والدراسة في الخارج كانوا بيعتبروا من الحالات المستثناة من حدود السحب بعد دراسة كل حالة.
طيب ازاي العملاء اللي لهم حساب الدولار بيسحبوا منه خارج مصر؟.
كل العملاء اللي لهم حسابات بالدولار البنوك منحتهم الحق في السحب النقدي من أجهزة الصرف الآلي لو هما خارج مصر بنفس عملة الدولة اللي متواجد فيها العميل، وبعد كده البنوك بتعمل حاجة اسمها مقاصة علشان تدفع قيمة عمليات السحب للبنوك الخارجية بالدولار الأمريكي، وده كان السبب الرئيسي في التاثير علي مخزون الدولار الأمريكي في مصر .

اللي عمله البنك المركزي دا وقتها كان مهم جدا لوقف نزيف الدولار والمتاجرة بيه وسمح بتوفر الدولار وبعدها المركزي خد قرارات تانية لزيادة حصيلة الدولار وكان أهم قرار هز تعويم الجنيه والقضاء على السوق الموازية للدولار ودا القرار اللي فتح الباب على آخره لتدفق الاستثمارات الأجنبية المباشرة وغير المباشرة للسوق المصري وبكده المركزي قدر ينقذ السوق المصرفي من عصابات العملة والمخطط اللي كان بيتم بالتوازي لتجفيف الدولار من السوق المصري والبنوك وكلنا عارفين طبعا من ورا المخطط دا.