قال محمود كهربا لاعب النادي الأهلي، أنه لديه تركيز شديد في الفترة الحالية من أجل الانتظام والظهور بشكل مميز مع النادي الأهلي في الفترة المقبلة، ويستعرض موقع تحيا مصر تصريحات محمود كهربا.
تصريحات محمود كهربا
وأضاف محمود كهربا في تصريحات تليفزيونية مع الإعلامي أحمد شوبير على قناة الأهلي، أنا مركز في الفترة الحالية ومش عاوز خصومات تاني، وإن شاء الله الفترة القادمة هتكون أفضل.
وتابع محمود كهربا، في أول يوم لإمام عاشور في النادي الأهلي أخدته لتحية جماهير الأهلي وكان هو مخضوض جدا من الأجواء، وإمام عاشور لاعب نضيف ويستاهل أكتر من كده كتير.
وواصل محمود كهربا، معرفش أي حاجه عن موضوع الغرامة ونمت وصحيت وكانت الدنيا مقلوبة والكل بيتكلم عن الغرامة، وبطمن كل الناس على فلوس الغرامة.
وزاد أحمد شوبير، بقول لإمام عاشور مش تقلق وأنا في ضهرك دايما، ولما تخلص الحلقة شوف الفلوس اللي مع كابتن شوبير علشان نشوف موضوع الغرامة.
واختتم محمود كهربا تصريحاته، إمام عاشور أتعلم مني إزاي يعرف يتكلم في البرامج وثقافته كبيرة جدا حاليا وإمام هيكون أسطورة كبيرة في النادي الأهلي.
حديث إمام عاشور عن كهربا
وأضاف إمام عاشور في تصريحات تليفزيونية على قناة الأهلي مع الإعلامي أحمد شوبير، يابخت اللي صاحبة محمود كهربا، وكلنا لاعيبه الأهلي أتكلمت مع الإدارة بعد الأزمة الأخيرة في السوبر المصري وتخفيض الغرامة ولكن القرار كان صح.
وتابع إمام عاشور، كهربا من الشخصيات اللي تحبها من أول نظرة وأي كلام بيتقال عليه كله غلط في غلط وبقى أقرب شخص ليا في النادي الأهلي.
وزاد إمام عاشور، كهربا قالي كلنا مستنيينك في النادي الأهلي وسهلي كل شيء في أول يوم ليا داخل النادي الأهلي، وعلاقتي بكهربا بدأت في النادي الأهلي وقبل الأهلي مش كنت بقابله إلا في مباريات الأهلي والزمالك.
إمام عاشور يحصد جائزة أفضل لاعب في مصر
وحقق إمام عاشور جائزة أفضل لاعب في مصر عن الموسم الماضي وذلك بعدما ساهم في فوز النادي الأهلي بلقب الدوري ودوري أبطال أفريقيا والعديد من البطولات.
وانتقل إمام عاشور للنادي الأهلي الموسم الماضي قادما من نادي ميتيلاند الدنماركي في صفقة وصلت لـ 3.5 مليون دولار.
