في العشر سنين اللي فاتت، مصر شهدت نهضة كبيرة في كل المجالات، وتم إنجاز العديد من المشروعات تحقيقاً لرؤية مصر 2030، وبناء "الجمهورية الجديدة" التي أرسي قواعدها الرئيس السيسي.
وبتشمل الرؤية دي التوسع في إنشاء شبكة من النقل الحضري الأخضر المستدام صديق البيئة، عشان كده نفذت وزارة النقل خطة شاملة لاستكمال شبكة مترو الأنفاق بالتوازي مع إنشاء شبكة من وسائل الجر الكهربائي الجماعي السريعة لمواكبة الخطوات الواسعة اللي بتخطوها الدولة في مجال التوسع العمراني، وكمان عشان ننشط الحركة الاقتصادية والتجارية والسياحية وخدمة المناطق الصناعية.
وكمان شبكة النقل هتستوعب الزيادة في الطلب عليها، وهتقدم خدمات متطورة وآمنة ومميزة للمواطنين في كل أنحاء الجمهورية.
وبالفعل، تم تنفيذ العديد من المشروعات، واللي بينها افتتاح المرحلتين الأولى والثانية من القطار الكهربائي الخفيف LRT ( السلام – العاشر – العاصمة الإدارية ) بطول 70 كم ل 12 محطة بتكلفة 26,3 مليار جنيه.
وجاري استكمال تنفيذ المرحلتين الثالثة والرابعة ليصل إلى 105 كم، افتتاح محطة عدلي منصور المركزية على مساحة 15 فدانا بتكلفة 1,3 مليار جنيه، واللي بيتم فيها تبادل الخدمة بين 5 وسائل نقل ( القطار الكهربائي الخفيف LRT – الخط الثالث لمترو الأنفاق – خط سكة حديد " عدلي منصور / السويس " – السوبرجيت – الأتوبيس الترددي " عدلي منصور / السلام ").
كمان تم تنفيذ وانتهاء وتشغيل المرحلة التالتة من مترو الأنفاق، من محطة العتبة لحد الكيت كات وحتى إمبابة شمالاً وجامعة القاهرة جنوباً بطول إجمالي للمرحلة 17,7 كم.
والمرحلة دي تشمل 15 محطة، وبالفعل تم الانتهاء من تنفيذ وافتتاح المرحلة الرابعة من الخط الثالث للمترو ( هارون– عدلي منصور) بطول 11,5 كم وعدد 10 محطات بتكلفة 28,4 مليار جنيه.
بجانب القطار الكهربائي محطات المترو الجديدة، توريد 32 قطار مكيف للتشغيل على الخط الثالث للمترو ( المرحلتان الثالثة والرابعة ) بتكلفة 8,9 مليار جنيه، ودخول 28 قطارا منها للخدمة.
ضيف على كل ده، إن دلوقتي بيتم تنفيذ المرحلة الأولى من الخط الرابع للمترو ( الهرم/ أكتوبر ) بطول 19 كم وعدد 16 محطة.
كمان، بيتم تنفيذ 3 خطوط من شبكة القطار الكهربائي السريع بإجمالي أطوال 2000 كم وعدد 60 محطة، وتشمل الخط الأول ( السخنة – العلمين – مطروح ) بطول 675 كم والخط الثاني ( أكتوبر – أسوان – أبوسمبل ) بطول 1100 كم ، والخط الثالث ( قنا – الغردقة – سفاجا ) بطول 225 كم.
وده غير المونوريل، لأن بيتم تنفيذ مونوريل شرق النيل بطول 56,5 كم وعدد 22 محطة، تنفيذ مونوريل غرب النيل بطول 43,8 كم وعدد 13 محطة.
وبكده نقدر نقول إن مصر بقى فيها شبكة نقل جماعي محترمة وسريعة ومتطورة وذكية كمان، يعني هتركب مترو وقطر كهربا وقطر سريع ومونوريل، وتوصل شغلك في أقل وقت وبخدمة عالمية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
