كتير من المصريين بيدوروا دلوقتي على أفضل طريقة مضمونة لشراء سيارة مستعملة، وده طبعا عشان يقضوا بيها مشاوريهم ويترحموا من زحمة المواصلات، وده في ظل إن أسعار العربيات الزيرو مرتفعة شويتين.
عشان كده، شهد سوق السيارات المستعملة استقرار في الأسعار، وكان آخرهم سوق مركز شبين الكوم في محافظة المنوفية، واللي شهد إقبال كبير من المواطنين، لأنه بيخدم محافظة المنوفية والمحافظات المجاورة لها، وبيتعمل يوم الجمعة من كل أسبوع بعد صلاة الجمعة لحد أذان المغرب.
وفي السوق ده، كل الموديلات بأسعار بتبدأ من 60 ألف جنيه.
يعني سعر عربية فيات 131 موديل 1978 60 ألف جنيه، أما أرجانتا فئة 132 موديل 1882 رخصة سنة مرور شبين الكوم فمطلوب فيها 75 ألف جنيه.
نيجي لعربية من نوع لادا موديل 2009 وسعرها 90 ألف جنيه، أما شاهين موديل 2007 فمطلوب 120 ألف جنيه.
أخيرا، سيارة دايو لانوس موديل 1999 بفتحة سقف وتكييف ب 250 ألف جنيه.
أما سيارة دايو نوبيرا 2 موديل 1999 مستعملة، فوصل سعرها 205 آلاف جنيه.
-ووصل سعر سيارة ليفان 320 موديل 2011 مستعملة 210 آلاف جنيه.. ووصل سعر سيارة رينو لوجان موديل 2012 مستعملة 240 ألف جنيه.
ولكن، قبل ما تشتري لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.
فلو أنت عايز تشتري عربية مستعملة على قد الإيد، فسوق شبين مفتوح كل أسبوع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
