ياترى ايه اللي بيحصل في مصانع الحديد دلوقتي وايه علاقتها بالدولار وازاي الأرقام الأخيرة ردت على إشاعات نقص الدولار وايه اللي قالت دوائر المال والاعمال العالمية عن الدولار والصناعة والقرارات الأخيرة وليه مصر بقى فيها عدد شائعات مخيف في كل ساعة.. احنا هنقولك على كل التفاصيل في الفيديو ده.
اكيد اي حد معاه موبايل وانترنت هيتصدم من كام الاخبار المنشورة بخصوص الاقتصاد تحديدا وطبعاً كبها اخبار سلبية وهيشوف في نفس الوقت نفي الحكومة علي الاخبار دي وهتشعر إن فيه حرب خفية بين جهات مجهولة كل هدفها دلوقتي أنها تنشر القلق والبلبلة بين الناس خاصة في الشأن الاقتصادي وبين الحكومة اللي مش بتسيب معلومة غلط على مواقع التواصل الاجتماعي والسوشبال ميديا إلا وترد عليها علشان اي معلومة غلط في الشأن الاقتصادي تحديدا هتكبر وتنتشر ويكون ليها اثر سلبي كبير جدا ولو الحكومة مطلعتش ردت يبقي بتأكد المعلومة.. لكن الحقيقة الموضوع زاد عن حده جدا في الأيام الأخيرة.
طيب ليه الاشاعات بتكتر في أوقات معينة وكلها خاصةً بالاقتصاد ؟
لأن ببساطة حضرتك الناس دي عارفة هتعمل إيه كويس جدا وكل ما يكون فيه حدث اقتصادي أو سياسي مهم في مصر هتعرف إن فيه كم إشاعات بيطلع عشان يغطي ويشكك في اللي بيحصل ومصر دلوقتي مثلاً استقبلت مديرة صندوق النقد الدولي عشان تراجع برنامج الإصلاح الاقتصادي مع الحكومة المصرية وتوصل لاتفاق بخصوص تخفيف الشروط وزيادة مدة البرنامج ومن ساعة المسؤولة ما جت مصر وتصريحاتها الإيجابية وقبلها صدور تقرير إيجابي جدا للصندوق عن الاقتصاد المصري وطلعت كمية إشاعات كبيرة جدا زي أن الحكومة هتعوم الجنيه من تاني وزي إن الحكومة رفعت أسعار غاز المنازل قبل مسؤولة الصندوق ما تغادر مصر وزي إن مفيش دولار في مصر وارتفاع سعره في الأيام الأخيرة نتيجة لنقص المعروض والساعات تانية ملهاش أول من آخر.
هنسيب كل الاشاعات اللي طلعت وهنركز في إشاعة نقص الدولار والتعويم الجديد واللي الكتائب الالكترونية المعروف توجهاتها بتروج ليها دلوقتي وبتستدل عليها بارتفاع سعر العملة الأمريكية في البنوك.. اولا الكلام دا مش حقيقي بالمرة وثانيا الكلام عكس بعضه عشان لو سعر الدولار بيزيد قدام الجنيه في البنوك لوحده يبقي سعره حر وبالتالي مش محتاج تعويم ولو فيه نقص في الدولار مكنش البنك المركزي المصري فتخ باب الاستيراد ل13 سلعة كان محظور استيرادها من بينها السيارات واكيد هو عارف إن هيكون فيه طلب كبير جدا على الدولار من المستوردين في الأيام الجاية واكيد بردو عامل حسابه.
فيه حاجة تانية حصلت بتأكد أن الدولار متوفر في البنوك بشكل عادي وكبير جدا ومحدش خد باله منها وهي ارتفاع إنتاج مصر من حديد التسليح خلال أول 9 أشهر من السنة الحالية إلى 6.403 مليون طن بنمو سنوي 11.3%، بدعم من توافر الدولار، بحسب بيانات رسمية ..
وبحسب البيانات الرسمية زادت مبيعات حديد التسليح في السوق المحلية 3% خلال الفترة من يناير إلى سبتمبر من 2024 ليصل إلى 4.756 مليون طن وعلل مسؤولين ارتفاع الإنتاج إلى وفرة الدولار والطفرة في مشاريع البنية التحتية، والمشاريع العقارية اللي بينفذها المطوريين في المدن المصرية..
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
