لو بتحب تحوش وعايز تحط فلوسك في البنك، بس محتار تختار أي نوع من الحسابات البنكية، جاري ولا توفير ولا استثمار، وإيه أفضل الحسابات اللي هتزود فلوسك ومش هتاخد رسوم كتير، فهنقولك عليها.
طبعا، البنوك المصرية بتقدم عدد كببر من الأوعية الادخارية، واللي أهمها حسابات التوفير، اللي بتتميز بدورية الصرف المختلفة وعائد كويس ممكن يوصل ل 26% حسب رصيد حسابك، عشان كده هنقولك أعلى حسابات توفير في البنوك المصرية.
أولها، هو حساب "سوبر كاش توفير" من بنك مصر، اللي بيتيح لحضرتك حد عائد محترم، ولكن الحساب ده متاح فقط من خلال خدمة الإنترنت البنكي وتطبيق الهاتف المحمول BM Online، وبحد أدنى لفتحه 100 ألف جنيه.
يعني مثلا لو فلوسك في الحساب ده من 100 ألف ل 500 ألف، فالعائد بيكون 18%، ومن 500 ألف لحد 2 مليون جنيه فالعائد هيكون 20.50%، ومن 2 مليون لحد 5 ملايين جنيه فالعائد هو 21%.
كمان، بنك البركة، بيتيح حساب التوفير ذات العائد الشهري بحد أدنى لفتح الحساب 1000 جنيه، أما الحد الأدنى لاحتساب العائد فبيكون 5000 جنيه، وبيتم احتساب العائد على الحد الأدنى للرصيد خلال الشهر وبيضاف بنهاية الشهر.
وبالنسبة لأسعار العائد في الحساب ده، فبتوصل ل 26%، يعني من لو قيمة الحساب من 5 آلاف جنيه لحد 50 ألف جنيه، فالعائد بيكون 20%.
ولو فلوسك في الحساب من 50 ألف جنيه لحد 5 مليون جنيه، فالعائد هو 21%، أما لو كان رصيد الحساب من 5 مليون لحد 10 مليون فالعائد بيكون 22%، ومن 500 مليون جنيه فأكثر فالعائد 26%.
وفي النهاية، لو ناوي تحوش فلوسك في بنك من خلال حساب توفير، فلازم تفكر في الحساب والفايدة اللي تناسبك، والحسابة بتحسب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
