الفترة اللي فاتت مصر شهدت ارتفاعات كبيرة في اسعار العقارات، وفي ناس كتيرة سمو الموضوع ده فقاعة عقارية.. لكن دلوقتي سعر الاسمنت والحديد رجع ينخفض.. ياتري اية سر انخفاضهم الفترة دي وهل الانخفاض ده هينعكس علي اسعار العقارات في مصر
الفترة اللي فاتت وتحديدا في سنة 2023 مصر شهدت ارتفاعات كبيرة جدا في أسعار العقارات وصلت لأكتر من 200% وعلشان كده كل الخبراء اجمعوا ان مصر بتعاني من فقاعة عقارية، وان اسعار العقارات في مصر اغلي بكتير من سعرها الحقيقي، والاسعار دي عملت زخم جامد جدا في السوق، وبقي في نسبة كبيرة جدا من العقارات والشقق المعروضة للبيع وللاسف مفيش اي اقبال علي الشراء من جانب المواطنين.
مع بداية التعديلات اللي علمتها الحكومة علي مدار الكام يوم اللي فاتوا والخاصة بقانون اشتراطات البناء، واللي كان سبب ازمة كبيرة في الدولة ووقف نسبة كبيرة من اعمال البناء والتشييد، ده غير مشروعات الاسكان الاجتماعي اللي الدولة اعلنت ولسه بتعلن عنها في الوقت الحالي واللي بدأت الفترة دي بالاعلان عن طرح شق جاهزة للتسليم الفوري في مشروعات جنة ودار وسكن مصر، واللي فتح فيها التقديم من كام ساعة فاتوا وهيستمر فيها التقديم لمدة شهرين من الأن .
مش كده بس، لا ده كمان الدولة اعلنت عن تحديد فتح باب التقديم لشقق سكن كل المصريين 5 في الاعلان الـ18 واللي هيتضمن الاعلان عن طرح 70 الف وحدة سكنية منهم 60 الف شقة لمحدودي الدخل و 10 الاف وحدة سكنية لمتوسطي الدخل، والاعلان ده في ناس كتيرة جدا من الشعب المصري قاعد مستني اليوم اللي هتبدا فيه مكاتب البريد طرح كروسات الشروط واللي هتكون متاحة قدام الجمهور يوم 18 من شهر نوفمبر اللي جاي، وهتكون متاحة للجمهور العادي يوم 25 من نفس الشهر ولمدة 30 يوم.
طيب اية اللي عملته المشروعات الجديدة لوزارة الاسكان وتعديلات قانون شروط البناء في اسعار العقارات في مصر؟.
مشروعات الاسكان الجديدة وتعديلات قانون شرو ط البناء كلها اسباب جوهرية في تخفيف الضغط بشكل كبير علي شراء الاسمنت وحديد التسليح وووصل الانخفاض في حديد التسليح لـ2500 جنية للطن
رئيس شعبة مواد البناء بالغرفة التجارية أحمد الزيني، قال أن الانخفاض في اسعار الحديد التسلح والأسمنت بيرجع لانخفاض الأسعار العالمية للخامات، وتوفير الدولار لأصحاب المصانع والشركات لشراء المواد الخام من الخارج، ده غير رغبة المصانع في العمل بكامل طاقتها وتحريك السوق.
الزيني كمل كلامه وقال إن تراجع الأسعار تسبب في زيادة الإقبال على شراء حديد التسليح وأكد أن المصانع الكبيرة للحديد واللي شغالة بالغاز الطبيعي رفضت زيادة الاسعار خصوصا ان اسعار الطاقة بالنسبة ليهم لسه مستقرة والزيادات اللي حصلت فيها لسه محدودة وده اللي عمل ثبات للاسعار عندها هنا في مصر وحاليا بدأ الانخفاض .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
