صرح أحمد شوبير لاعب الأهلي السابق والإعلامي الحالي، عن تفاصيل انتقال الدولي المصري محمود حسن تريزيجيه لاعب الريان القطري، إلى الأهلي.
وقال شوبير في تصريحات إذاعية عبر برنامجه المذاع على أون سبورت: “الأهلي عايز يضم تريزيجيه بالفعل، ولكن اللاعب معار من طرابزون وهيخلص الموسم مع الريان ويرجع تاني، إلا لو ناديه القطري ليه رأي تاني وقرر يشتريه أو أحد أندية الدوري القطري لأنه ماشي كويس”.
وأضاف: “الأهلي عايز يضمه من بداية الموسم عشان يشارك في كأس العالم للأندية، وبيشوفوا موافقة اللاعب الأول عايز يرجع أو لأ”.
وأكمل: “البعض بيقول إن تريزيجيه مش مبسوط في الريان، ولكن دي اجتهادات، وطلبات طرابزون سبور من النادي الأهلي للحصول على خدمات تريزيجيه مليون و300 ألف يورو، ومش هتبقى معضلة أوي على المارد الأحمر”.
وشارك تريزيجيه منذ بداية الموسم برفقة الريان في 14 مباراة وخلالها سجل 4 أهداف وصنع هدفين.
