وجه الإعلامي أحمد شوبير حارس مرمى الأهلي ومنتخب مصر السابق رسائل نارية إلى جماهير النادي الأهلي في أعقاب ما حدث خلال مباراة شباب بلوزداد في دوري أبطال أفريقيا قبل وبعد المواجهة.
كانت جماهير الأهلي قد شنت هجوما عنيفا على اللاعبين قبل انطلاق المباراة وحملت لافتات انتقاد لهم وعقب نهاية المباراة بفوز الأهلي 6-1 نادت الجماهير على اللاعبين لكن محمد رمضان المدير الرياضي ومحمود كهربا منعوا اللاعبين من التوجه للجماهير.
وقال أحمد شوبير في تصريحات إذاعية اليوم الإثنين: «عايز أكلم بصراحة شوية قد تغضب البعض وقد تسعد البعض قبل المباراة قلت يارب أي مكسب ولو واحد صفر في ظل الظروف الصعبة اللي بيمر بيها الأهلي، ولما دخل فينا جون بعد 20 دقيقة قولت يارب نتعادل ولما بدأت المباراة عدد الجماهير كويس وبعض الهتافات واللافتات قبل المباراة تعدي، إنما الأمور تتجاوز ده مش كويس».
كهربا ورمضان لازم يمشوا
وأوضح شوبير: «الأهلي كسب 6 وحصلت مصالحة داخل الملعب، والجماهير غاضبة بس فيه حدود يا جماعة خلينا نعرف المشجع مشجع واللاعب لاعب والمدرب مدرب، إنما يا جماعة تدوس على اللاعيبة ده مش كويس ومش طول الوقت تفضل حاطط السكينة على رقبتي».
وتابع نجم الأهلي السابق: «حضرتك أنا بشر برضه وكلنا بشر وكلنا معرضين للخطا، وأيه الخطأ اللي وقع فيه لاعيبة الأهلي بنالتي ضاع هتعمل أيه أدي الله وأدي حكمته فأيه اللي بيحصل ده هل ده مقبول».
وأضاف شوبير: «فالنهاردة أنت ماسك محمد رمضان وماسك كهربا فأنا بقول لجمهور النادي الأهلي مكانش ده موجود في الأهلي والقصة دلوقتي بقت رمضان لازم يمشي وكهربا لازم يمشي، لا يا جماعة فيه حاجة مش طبيعية بتحصل أنا بتكلم جد أنا مش مصدق ومستغرب جدا، جمهور الأهلي لازم يكون مساند إنما فيه أيه يا جماعة فيه ريحة مش حلوة كده».
