في لغط كتير منتشر حاليا بين الناس بخصوص حساب اسعار شرائح الكهرباء، خصوصا اني في اكثر من سعر لشرائح الكهرباء.. ياتري اية حقيقة الكلام ده.. وازاي الدولة بتحسب شرائح الكهرباء 2025.
الفترة اللي فاتت وتحديدا بعد قرار الدولة يزيادة اسعار شرائح الكهرباء واللي كانت في شهر اغسطس اللي فات، وده بعد قرار وزارة الكهرباء والطاقة المتجددة واللي رفعته لمجلس الوزراء واللي تضمن اقرار زيادة جديدة علي اسعار شرائح الكهرباء للقطاعين المنزلي والتجاري، وفعلا مجلس الوزراء وافق علي زيادة اسعار الشرائح وبدأت الدولة تفعل الزيادة دي من شهر اغسطس اللي فات.
الزيادة الجديدة اللي حصلت علي اسعار الشرائح رفعت الاسعار بمعدلات ترواحت من 35 الي 40%، ودي بتعتبر اعلي زيادة حصلت في اسعار شرائح الكهرباء ووصلت علي اساسها سعر الشريحة الأولى واللي هيا من صفر كيلو وات إلى 50 كيلو وات بسعر 68 قرشا، والشريحة الثانية واللي هيا من 51 كيلو وات ساعة إلى 100 كيلو وات بسعر 78 قرشا، والشريحة الثالثة واللي هيا من صفر كيلو وات ساعة إلى 200 كيلو وات ساعة بسعر 95 قرشا، والشريحة الرابعة واللي هيا من 201 إلى 350 كيلو وات ساعة بسعر 155 قرشا، والشريحة الخامسة واللي هيا من 350 إلى 650 كيلو وات بسعر 195 قرشا، والشريحة السادسة واللي هيا من 650 إلى 1000 كيلو وات بسعر 2.1 جنيه، والشريحة السابعة واللي هيا اكثر من 1000 كيلو وات بسعر 2.3 جنيه.
طيب اية اللي حصل بعد زيادة اسعار شرائح الكهرباء ؟.
بعد قرار زيادة اسعار شرائح الكهرباء الدولة اخذت قرارات تانية كتيرة لوقف وقائع سرقة التيار، وأول القرارات دي كان قرار ات جهاز مرفق تنظيم الكهرباء وحماية المستهلك رقم ١٤٢ لسنة ٢٠٢٤ والخاص بإلغاء نظام الشرائح من العدادات الكودية اللى بيتم تركيبها للعقارات والوحدات المخالفة ويتم محاسبة العدادات الكودية بتعريفة ثابتة وموحدة بسعر ٢١٤.٥ قرش لكل كيلووات ساعة من أول كيلو وات وهو سعر التكلفة، وكمان يتم حساب تكلفة العداد والتوصيل وفقا للتكلفة الفعلية، ويتم المحاسبة بالسعر ده من أول كيلو وات طوال الشهر.
بعد القرار ده في لغط كتير حصل علي مواقع التواصل الاجتماعي عن كيفية تسعير شرائح الكهرباء في العدادات، وازاي الدولة بتحسب سعر الكيلو وات ساعة في العدادات مسبقة الدفع والعدادات الكودية القانونية والعدادات الميكانيكية القديمة، علي طول جهاز تنظيم مرفق الكهرباء وحماية المستهلك، طلع ورد علي الكلام ده وقال أن طريقة محاسبة المواطنين من مالكي العدادات الكودية القانونية والعدادات القانونية الميكانيكية والعدادات مسبقة الدفع واحدة بتكون واحدة وطبقا لـأسعار شرائح الكهرباء المطبقة والمعتمدة من جانب مجلس الوزراء ويجري العمل بها من شهر أغسطس الماضي
