سخر مواطن من إعلان شركة أثاث شهيرة ” قباني للأثاث” بعد حملتها الإعلانية فى رمضان ، وذاك بعد تجربته الشخصية فى التعامل مع قباني للأثاث.
إعلان شركة ” قباني للأثاث”
وقال صاحب الواقعة ساخرا،” كنبة قباني اللي اشتريتها من 4 شهور وقاعد عليها وأنا بتفرج على إعلان قباني اللي بيقول فيه إنه أفشخ أثاث في مصر”، وقام بالإشارة للصفحة الرسمية للشركة ومطالبتهم بالرد عليه.
وكان قد استغاثت وحذرت سيدة من قبل من منتجات قباني للأثاث بعد شرائها ” كنبة” ، قائلة،” قباني للأثاث – Kabbani Furniture لو سمحتم عندي تجربه سلبيه جدا مع شركه قباني للاثاث بدايه الموضوع اني اشتريت كنبه من قباني والكنبه دي انا خطاها ف مكان مش بنقعد فيه كتير لأننا بنسافر ونسيب الشقه تمام ورجعنا استخدمنا الكنبه اولا كثافه الاسفنج مش حلوه بالمره الكنبه بتزيق كأنها هتتكسر وطلبت الصيانه علشان يشوفو في ايه بيبعتلك نجار مش مندوبين صيانه داخل الشركه ده اي نجار بيلاقيه بيبعته اوك قالنا الكنبه حديد اتنططو عليها لو عاوزين ده بالنص ولو ف حاجه كلمونا عادي اوك بعد كده الكنبه الاقيها اتقسمت بينا اه والله والصور موجوده انا منزلاها اهو فجأه لاقيناها بتقع “.
وتابعت،” تاني حاجه انا مش عندي اولاد وتنطيط ده ولد واحد بيبي يعني مفيش اي حاجه تخلي ده يحصل القماش بتاع الكنبه في تنقير يعني بيستخدمو قماش شايط للمنتجات كلمتهم قالو مش هنقدر نعمل حاجه ف القماش ده من اول م جاتلي قولتلهم تمام وسكت لما الكنبه اتكسرت كلمتهم جابولي نجار يحطلي رقعه خشب mdf رفضت وعملت مشاكل بعد حوارات اخدوها يصلحوها المفروض كل شويه من وقت م خدوها يبعتو الكنبه من غير أي إصلاحات من آل انا اتفقت معاهم عليها بيضحكو عليا يعني لولا انا كنت بقول للفني ال جايبها افتح الكنبه اشوف صلحتو ايه بيرفض طبعا بس بعد تصميم افتحها الاقي نفس الوضع ارفض الاستلام لحد م بقو يشتغلوني يكلموني يقولولي ي فندم الكنبه مدير المصنع بيشرف ع صيانتها بنفسه ف 6 أكتوبر وهتستلمي كمان 10 ايام قولت تمام هيصلحوها بما يرضي الله الاقي واحد الساعه 10 الصبح تاني يوم بيقولي انا داخل ع حضرتك الكنبه جيالك مش الكنبه دي ال ف ٦ اكتوبر وهستلمها كمان 10 ايام ومدير المصنع واقف عليها بنفسه يقولي معرفش هما قالولي وصل دي تيجي الاقيها زي م هي كلمتهم يقولولي اسفين دي جتلك غلط يعني ايه هي اي طلبيه طالعه عندكم كنبتي بتفسحوها معاها
وتابعت،” طبعا الكنبه جت وراحت 4 او 5 مرات وكل ده بيضحكو عليا لحد م وصلت اخر مره الكنبه مقطوعه قماشها ومخيطينه كلمتهم الكنبه مقطوعه قالولي لا ده من حضرتك مش مننا هاتي إثبات أنها كانت سليمة”.
