حذرت فتاة من التعامل مع شركة إن درايف أو سائقيها بسبب تعاملهم، مستعرضه مشكلتها مع أحد السائقين بالشركة.
وقالت خديجة مصطفى صاحبة المشكلة: “محدش يركب ان درايڤ تاني يا جماعة مش أمان وبيوظف سواقين مختلين عادي ولما اشتكيت محصلش اي حاجة خالص !!! inDrive”.
وتابعت: “يوم التلات اللي فات خدت ان درايف والسواق ماشي خبط كلب بالقصد! يعني كسر ناحيته وخبطه!!! قلتله ليه عملت كدة، قاللي دانا بفوقه بس! قلتله تحب حد يعمل فيك كدة؟ قاللي اه عادي انا احب لو نايم حد يفوقني عادي!! وبعدين الكلب دة نجس اصلا، انا مبحبش الكلاب قلتله مبتحبهمش انت حر بس متئذيهمش! قاللي لأ عادي، انا اصلا دهست كلب قبل كدة ساويته بالاسفلت!!!!! والله العظيم قاللي كدة!! بدأت اترعش من كتر بشاعة اللي هو بيقوله وقلتله اركن علي جمب فورا وبعد شد ركن علي جمب ونزلت!!”.
وقالت: “الشخص المريض السادي دة بيموت كلاب لمجرد ان مبيحبهمش وانه شايف انه نجس!!! ولو انتم مش مهتمين بروح حيوان فاحب اقولكم اللي يقتل حيوان انهردة عشان مبيحبهمش ونجس من وجهة نظره، يقتل بنس آدم عادي جدا لمجرد انه مش عاجبه..اشتكيت في الابليكيشن ومعملوش اي حاجة”.
واستكملت: “”انا من ساعتها وانا حتجنن، لا عرفت آخد حقي ولا حق الحيوانات المسكينة اللي بيئذيهم المريض دة..دة رقم العربية كنت واخداها سكرين شوت من الابليكيشن.. وان درايڤ لازم تتحاسب علي الناس المريضة اللي بتوظفها وكمان مبتحاسبش حد”.
وقالت: “قاطعوا ان درايڤ يا جماعة، بجد مش امان وسمعت بلاوي كتير علي سواقينهم وان مش بيعملولهم فيش وتشبيه وحقيقي مش امان خالص!”.
وعلى صعيد منفصل؛ قال دفاع نبيلة عوض فتاة التجمع، إنه تقدم بانذار رسمي لشركة أوبر بدفع تعويض مالي قدره 5 ملايين جنيه تعويضا لموكلته بعد رفض الاستئناف المقدم من سائق أوبر بالتعدي عليها ومحاولة خطفها.
وأضاف دفاع نبيلة عوض، أنه مستمر في رفع الدعاوى ضد شركة اوبر في حالة عدم التنفيذ، حيث أن المحكمة مستأنف مدينة نصر، برئاسة المستشار محمد احمد عطية، بقضت بمعاقبة سائق أوبر بتأييد الحكم 15 سنة في قضية اتهامه بهتك عرض وخطف بالإكراه نبيلة عوض المعروفة إعلاميا بفتاة التجمع.
