اشتكى عدد من العملاء من تأخر التسليم بمشروعات شركة إعمار رزق جروب ، محذرين كل من يتسأل عن الشركة من التعامل معها.
وقال أحد العملاء المتضررين،” مشروع مونوريل تاور شركة اعمار رزق Erg فيه تأخير ، متسائلا” هل تم استخراج المجمعة العشرية او الرخصة وما موقف الشركة من وديعة الصيانة وهما متاخرين ثلاث سنوات في الانشاءات علما انني اشتريت في عام ٢٠٢١ والمفروض استلم كمان ٦ شهور يا جماعة في ٦/٢٠٢٥ ولسه شغالين في التسويات والحفر وجزء من البدروم حرام اللي بيحصل فينا ده وهدفع وديعة الصيانة ازاي علي مبني لسه مطلعش بالبدروم حد يفيدنا نعمل ايه في الحالة”.
وتابع،” دي عشان الشركة بطالبنا اننا نغير ميعاد التسليم في عقدنا الي اخر ٢٠٢٧ وفترة سماح كمان هل ده يرضي ربنا يا جماعة واعمل ايه في الحالة دي معاهم عشان تعبنا منهم من كثرة الوعود ولم ينفذ منها شي حتي الان والملاك في حالة يأس واحباط شديد من الشركة دي وحسبنا الله ونعم الوكيل”.
وقال عميل اخر،” متاخرين عن الشركات الاخرى وفى شركات كانت نازله معاهم فى نفس التوقيت ولكن تفوقوا عليهم زى كابيتال لينك على سبيل المثال.. مع ERG اعمل حسابك انك هتتاخر جدا وحركة الريسيل مش هتكون موجوده بشكل كبير هيكون شرائك سكنى اكثر و هتاخد وقت كبير “.
وقال اخر،” شركة Erg هي غريبة شوية عندهم Ri8 في الr8 ومتاخرين فيه جدا وعندهم مشروع مونوريل تاور وبردو متأخرين فيه وكان في لونش قريب ليهم في التجمع كمبوند اسمه ايليف”.
وتابع اخر،” بلاش شركه ERG لو دخلت معاهم مش هتعرف تخرج ولا هتبيع ولا هتاجر و شوف و تابع المشروع مطروح من امتا و وصل لايه و حال الملاك اللي اشتروا وقت الطرح .. متتخدعش بالدعاية وخلاص”.
