استغاثت موظفة بمدرسة دولية من تعرضها للإهانة أثناء أداء عملها داخل المدرسة، مستعرضة مشكلتها عبر حسابها الشخصي وطالبت وزارة التربية والتعليم والسفارة البريطانية بمساندتها للحصول على حقها.
وقالت جاسمين صاحبة المشكلة،” انا خريجة جامعة مصر الدولية اتهنت أثناء عملي في مدرسة مالفيرن!!دة تحذير لأي حد بيفكر يشتغل في المدرسة دي او يدخل اولاده هناك المكان دة ياجماعة تحت إدارة غير سوية و غير مؤهلة نفسياً استاذة (ل.ع) اللي ماسكه مكان أبوها (خ.ع) اللي فاكرين انهم اشتروا البلد. كل كام يوم نسمع صويت هستيري من فوق عشان في موظف بيتهزأ رعب للأطفال والكبار و اذي نفسي لا يحتمل.
وتابعت،” جايبين ناس متعلمين ولاد ناس يشتغلون عندهم عشان يستهزأوا كل يوم من بني ادمه ١٠٠٪ مش في كامل قواها العقلية.
صاحبة المدرسة دي بتعامل الناس على أنهم جواري او عبيد لمجرد انهم بيشتغلوا عندها.. الموظفين هناك كلهم جداد. ليه؟ لأن في 100 واحد مشي من الاهانة و الذل اللي بيتعرض له من الاستاذة.. وفي يومي الخامس في الشغل كلمة extension بتاعها بالغلط واعتذرت اول ما سمعت الصوت. اتفاجئ برد فعل مش طبيعي ابداً ابداً سب و قذف وقلة ذوق وقلة أدب وإهانة. طبعا قلت هاخد حاجتي وامشي استحالة اقعد ثانية في المكان دة
تقوم تبعتلي واحدة تقولي انها عايزاني في مكتبها لحسن نيتي فكراها هتعتذر و اتفاجئ بردو بقلة ادب و إهانة و زعيق هستيري كأني في مصحة نفسية”
وقالت،” هي طلعتني المكتب عشان تبقي اسمها طردتني. شايفين البني آدم لما يكون عنده نقص ومش مظبوط؟امشي اطلعي برة يا بت” “عيلة ام ش.خ.ة” “انتي اتجننتي يا حيوانة بتكلميني انا”دة بعض الألفاظ من واحدة المفروض انها بتدير مدرسة محترمة و مشهورة. دة اسلوبها و طريقتها!! بشهادة الجميع العاملين بالمدرسة ل.ع بتهين الناس في الطالعة و النازلة. العاملين بالمدرسة من اكبر واحد لاصغر واحد بيتعملوا بطريقة غير آدمية أشبه للعبيد”.
واستطردت،” للأسف أنا من الصدمة معرفتش اخد حقي و ارد عليها بس انا مش هسيب حقي ومش هبطل اتكلم الناس دي ليها سلطة ولازم حد يوقفهم عند حدهم!”.
مالفيرين الدولية، مدرسة مالفرين الدولية، مالفيرين كولدج، Malvern College Egypt ، وزارة التربية والتعليم ، التقديم لمدرسة مالفيرين الدولية، السفترة البريطانية، اغلى مدرسة فى مصر ، التعليم
