يا ترى إيه المفاجأة اللي بتجهزها الحكومة بخصوص الدعم النقدي، وإيه هو الدعم النقدي وامته هيطبق، وهل كل الناس هتستفيد به ولا مين بالظبط.. هنقولك كل التفاصيل في الفيديو ده فتابعنا للآخر.
كتير من الناس دلوقتي عايزة تعرف إيه هو الدعم النقدي، خاصة بعد تصريحات وزير التموين بخصوص هيكلة منظومة الدعم، ونية الوزارة للتحول للدعم النقدي، بسبب فوايده الكتيرة سواء للمواطن أو للحكومة.
لكن الدعم النقدي، بيضمن في المقام الأول وصول الدعم لمستحقيه، خاصة في ظل وجود مناقشات داخل الحوار الوطني بشأن الموافقة على التحول من الدعم العيني اللي هو التموين اللي حضرتك بتاخده كل شهر، إلى الدعم النقدي وهو إنك تاخد فلوس بدل السلع التموينية.
عشان كده، الحكومة لو طبقت الدعم النقدي هتقل فرص الفساد المرتبطة بتوزيع السلع التموينية، عشان هيتحولك الفلوس مباشرة أحسن ما بدال التموين يغشك في بعض السلع.
طب امته ميعاد التطبيق؟
بص يا سيدي، وزير التموين الدكتور شريف فاروق، قال إن تطبيق النظام الجديد للدعم النقدي هيبدأ بشكل تدريجي مع بداية السنة المالية 2025، وده بعد اكتمال التجارب الميدانية، وقال كمام إن الحكومة بتسعى دلوقتي لتحقيق التوازن بين تلبية احتياجات المواطنين وضمان استدامة النظام الاقتصادي، بما يتماشى مع رؤية مصر 2030 للتنمية المستدامة.
أما الدكتور فخري الفقي، رئيس لجنة الخطة والموازنة بمجلس النواب، فأكد لان الدعم النقدي أكثر حوكمة من الدعم العيني، عشان الدعم هيوصب للمستحق مباشرة بدون تصرف خارج المنظومة.
وبلغة الأرقام، فاحنا عندنا 98 مليار جنيه قيمة دعم الخبز فى الموازنة العامة للعام المالي الحالي، أغلبها 90 مليار جنيه لدعم رغيف الخبز، بخلاف حوالي 2.5 مليار جنيه نقاط لا يحصل فيها المواطن على الخبز كله على بطاقة التموين، لأن اللي بيتم توفير من الخبز على بطاقة التموين بيحصل به على نقاط قيمتها 10 قروش، وده في حد ذاته دعم.
وبناء على الكلام ده، فلو قسمنا 98 مليار جنيه قيمة دعم الخبز على 70 مليون مواطن مستحق للدعم، فكل فرد هيحصل على 1400 جنيه فى السنة، ولو قسمنا 1400 جنيه على 12 شهرا هيحصل كل فرد على 100 جنيه، ولو في بطاقة تموين فيها 4 أفراد هتحصل الأسرة كلها على 400 جنيه.
وفي حالة التحول من الدعم العيني إلى دعم نقدي، فلو كل فرد بيحصل على زيت وسكر فى بطاقة التموين بقيمة 50 جنيه، ففي المنظومة الجديدة كل فرد هيحصل على دعم نقدي بقيمة 200 جنيه، ولو أسرة مكونة من 4 أفراد هتحصل الأسرة كلها على دعم نقدي بقيمة 800 جنيه.
ونقدر نقول إن آلية التحول من الدعم العيني إلى النقدي على بطاقة التموين وقيمة الدعم الدعم النقدي، هتكون متروكة لإدارة الحوار الوطنى عشان تحدد هتطبقها ولا لأ، ودع هيكون بالتنسيق مع الحكومة، عشان توصل لأفضل خيار للمواطن، عشان ببساطة يصل الدعم إلى كل المستحقين.
وفي النهاية، هنقولك عزيزي المشاهد مميزات الدعم النقدي، واللي أولها تقليل فرص الفساد المرتبطة بتوزيع السلع، وكمان وصول المساعدات إلى الفئات المستحقة مباشرة، ومنع فرس التسرب في منظومة الدعم العيني.
ضيف على ده، إم الدعم النقدي بيتميز بمنح المواطنين خيارات متعددة عند اقتناء السلع اللي عايزينها، يعني بالفلوس هتشتري اللي انت عايزه، وكل ده هيحقق العدالة الاجتماعية وهيعزز الاستقرار المالي للدولة، ويقلل تقليل الأعباء عليها، ومش بس كده، ده كمان هيضمن وصول الدعم للأسر الأكثر احتياجًا.
