وجه نجم نادي بيراميدز ومنتخب مصر الكابتن شريف إكرامي رسالة عاصفة بعد أنباء انتقال محمد شريف إلى نادي الزمالك.
انتقال محمد شريف إلى نادي الزمالك
حيث انتشرت في الساعات القليلة الماضية اخبار تفيد بانتقال محمد شريف إلى نادي الزمالك في صفقة انتقال حر قادماً من نادي الخليج السعودي.
وكتب شريف إكرامي على صفحته الرسمية على منصة إكس: نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف.
وتابع إكرامي: الأحكام بقت حسب المزاج والمصلحة، مش المبدأ.
وأشار حارس بيراميدز: تسمع نفس الأشخاص بيقولوا عكس أحكامهم القديمة و التبرير بقى فن بيتفصّل على مقاس الانتماء مش على مقاس الحقيقة.
الإدارات بتوجه، والإعلام بيغذي العاطفة، والجمهور في النُص ضحية الجميع.
وأوضح نجم منتخب مصر: الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة.
واستكمل إكرامي: زي ما النادي حر، اللاعب كمان حر، قراره صح او غلط مش مهم لان مش ده الموضوع، الاهم ان الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء الموضوع مش قرارات اللاعبين أو الأندية.
واختتم شريف: اللي محتاج يتغير هو النظرة، طريقة التفكير، والأحكام على القرارات نفسها.
