تعرضت فتاة للتحرش داخل وسيلة مواصلات من قبل رجل مسن، مستغيثة بوزارة الداخلية للحصول على حقها.
وقالت الفتاة صاحبة الواقعة،” لاول مره في حياتي هنزل حاجه زي كدا بس لازم من شويه كنت في ميني باص انا و ماما و مروحين و قاعده قدام و حسيت بحاجه غريبه بتحك فيا و قولت يمكن يتهيألي فا حطيت ايدي لحد ما فعلا لقيته حد بيدخل ايدو و مسكتها و روحت لفيت و بزعق لقيته راجل كبير فالسن و بيقولي في ايه خلاص و نزلوني نزلوني و مسكت في و بنت فعلا وقفت واقفه ب ١٠٠ راجل ولا اعرفها ولا شوفتها و الرجاله الس واقفين مقاموش من مكانهم الا اما قعدنا نقول لو حد من بناتكو هتسيبو ينزل و موقف سلبي منهم مفيش غير اتنين مسكو فيه”.
وتابعت،” فالاخر الراجل قعد يمثل و يعمل انه بيعيط زي ما انتو شايفين و جه حد من الرجاله الي دقنه مغرقه وشه بيقولي خلاص هو خد جزاته ودي جمله بجد معرفتش ارد عليها غير الرجاله الي قاعدين عاملين نفسهم مش شايفين و بالعافيا صورته و فالاخر نزلوه”.
واستطردت،” للمعلومة دي مش اول مره يحصل معايا دا و معرفش اخد حقي و اخويا خد الفيديو و الصور و نزل القسم قالولو لا لازم يكون في مكان الواقعه و ان من الاخر مش هيحصل حاجه و فالحقيقه انا مش عارفه ازاي معايا دا و يحصل دا و ميكنش ليا حق و يضيع عشان معرفتش اخد بياناته و عشان صعب عليهم و مصعبش عليهم بنت قاعده في حالها جنبها مامتها لبسها مش مبين سنتي من جسمها حد يحط ايدو عليها و يعمل كدا و المفروض اسكت عشان عيب اعمل علي نفسي شوشره و اسكت عشان ميحصليش سمعه ولاكن انا يمكن مقدرش اخد حقي بس عالاقل هحاول لو اي حد شاف الراجل ياخد باله منه و ميتكررش لان انا وقفت و اتكلمت غيري بتسكت و بتخاف حتي تنطق عشان ميتبصلهاش بصه وحشه حقيقي مش لاقيه كلام غير حسبنا الله ونعم الوكيل “.
