بعد الجدل الذي أثارته شركة بـ لبن مؤخرا سواء من الإساءة لشركة العبد أو غلق فرعها فى السعودية بعد إصابة عدد من المواطنين بحالات تسمم، ظهرت أزمة جديدة لشركة بـ لبن، بسبب رواتب العاملين بها وتشغيلهم ساعات إضافية ، دون صرف رواتبهم للساعات الإضافية، وذلك وفق ما تداوله رواد مواقع التواصل الاجتماعي ونشر الأزمة.
محلات بلبن
وجاء رد أحد الأشخاص الذي وصفه رواد مواقع التواصل الاجتماعي بإنه يعمل فى الموارد البشرية للشركة ليثير غضب العملاء والعاملين ممن عرضوا مشكلتهم.
البداية بمنشور تم تداوله على نطاق واسع على مواقع التواصل الاجتماعي لأحد الأشخاص يستعرض فيه مشكلة العاملين بالشركة بعد أن عملوا ساعات إضافية فى شهر رمضان ولم تصرف لهم الشركة راتب الساعات الإضافية ، واصفا ما حدث للشركة من أزمات وحملات للمقاطعة بإنه ذنب العمال الغلابة.
ثم جاء منشور أخر تم تداوله بنطاق واسع لعرض مشكلة أحد العاملين بالشركة ، تضمن” بدون كلام كتير انا هحط كل حاجه انا شوفتها بعيني ف ارض الواقع جوا شركه بلبن ومن داخل مصانعهم القذره واستعبادهم للعمال هناك وكتبتها ف شات وجمعته اسكرينات لاى حد عايز يشوف المهزله ال بتحصل من تجربه شخصية”.
وعبر أحد المواطنين عن حالة الاستياء من الشركة ومدير الموارد البشرية فيها بعد تداول المنشور بشكل واسع قائلا ،” حد كان كاتب شكوى عن بلبن وعن استعبادهم لأخوه بتشغيله ساعات اضافية بدون ما يدوله حق الساعات دي وبغض عن النظر عن صحة كلامه وإن كان في إجماع أصلًا على معاملتهم الحقيرة لموظفينهم وبغض النظر كمان عن استغلالهم العلني لموظفين فرع السعودية ولإحتياج الشباب الغلبان للسفر والشغل وبيمضوهم على عقد بدون اجازااات نهائي وشغل 12 ساعة طحن بدون وجبات وحتى السكن بعيد عنهم -وده أقر عليه ال HR manager عندهم وحجته ان الموضوع عرض وطلب ومضربناش حد على ايده- وكمان بغض النظر ان الشروط الاستغلالية دي ميقدروش يلمحوا حتى بيها لمواطن سعودي او حتى هندي هناك “.
وتابع،” لكن اكتر حاجة استفزتني ردود ال HR manager المحترم واللي المفروض بردوده دي بيمثّل بلبن والبراند نفسه، اي حد بيهاجمه يبقى لجنة ويتشتم كمان لا وكمان بيغلط في الشعب المصري نفسه وبيقول شعب زياط. طب اذا كان ده اسلوبه في العلن وعلى المكشوف وللناس اللي لا يملك اي سلطة عليهم ما بالك الموظفين الغلابة اللي تحت ايده بيحصل فيهم ايه؟ ده غير اخبار معرفش مدى صحتها عن تسجيلهم لإسم منافس ليهم لمصلحتهم كعلامة مسجلة عشان يمنعوه يفتح في السعودية بإسمه وده غير طبعًا المهزلة والتقليل اللي عملوه مع منافسهم العبد
انا عن نفسي مقاطع المكان ده بلا رجعة وكفاية اساميهم واعلاناتهم المستفزة بالنسبالي ومش مستغرب اللي حصل فيهم في السعودية ولا قفل محلاتهم هناك بسبب حالات التسمم اللي حصلت بسببهم. حلال فيهم”.
