ردت الفنانة نهى عابدين، على سؤال جرئ من الاعلامية أميرة بدر، ببرنامج “أسرار”، على سبب عدم زواجها حتى الان واستمرار انفصالها لسنوات طويلة، قائلة: “بقالي فترة طويلة منفصلة وملقتش اللي أنا عايزاه والجواز والطلاق قسمة ونصيب وأهم حاجة عندي الان شغلي وابني والموضوع مش تفكيري”.
وأكدت نهى عابدين، خلال حوارها ببرنامج “أسرار”، المذاع على قناة النهار، أن أهم شيء عندها الان هو شغلها وابنها ولو ظهر شخص في حياتها بالشكل الذي يرضيها ستوافق، مضيفة: “أهم مواصفات الشخص اللي ارتبط به يكون بني آدم ويحترم نفسه واللي حوله واختلافات الاخرين وما يحبوه ويحترم طبيعتهم وتجاربهم”.
وتابعت: “بحب الراجل يكون مفيش عنده عنصرية أو فرض رأيه وهي مش حرب وموضوع الحنية طبع في البني ادم، ومعرفش ربنا كاتب لي ايه وطبيعة العلاقات لكن مش شخصيتي أني أقبل أكون زوجة ثانية ومش تركيبتي ولو زواج أول دون اعلان دي حاجات ما بيننا”.
وعبرت الفنانة نهى عابدين، عن سعادته بالمشاركة في مسلسل “شهادة معاملة أطفال” مع النجم محمد هنيدي، قائلة: “هنيدي إضافة كبيرة ليا وهو دمه خفيف وبيقولوا دمي خفيف وهنيدي ذكي جدا ومتعرفش هو بيهزر ولا ايه وفي مزاولة بيننا ومبسوطة في التعامل معاه.
أكدت نهى عابدين أنها في الشغل تركز على شغلها فقط، مؤكدة أن محمد هنيدي أقرب حد لها في الشغل، لافتة إلى أنها أصيبت باكتئاب قبل ذلك وحصل لها أمور شخصية ومهنية رفضت الافصاح عنها.
واستكملت: “احنا عايشين في الدنيا نتعلم ونركز ونشوف والكثير من الناس اتعرض للخيانة ومش شرط تكون الخيانة زوجية ممكن تكون صديق وفي النهاية العتاب غلاوة”.
