أكد الإعلامي أحمد موسى أن أسعار الخضروات شهدت انخفاضًا ملحوظًا خلال شهر رمضان، مشيرًا إلى أن هناك تحسنًا واضحًا مقارنة بالفترات السابقة.
أسعار الخضروات
وقال أحمد موسى، خلال تقديمه برنامج على مسئوليتي المذاع على قناة صدى البلد: “أسعار الخضروات أخبارها إيه في رمضان؟ دلوقتي بكام، ومن فترة كانت بكام؟ النهارده وأنا بتكلم مع أهلي سألتهم عن سعر قفص الطماطم، قالولي كيلو الطماطم بـ2.5 جنيه، ده عندي في شطورة”.
وتساءل الإعلامي أحمد موسى عما إذا كان هذا الانخفاض مجرد مصادفة أم أنه نتيجة جهد الدولة في ضبط الأسواق وتوفير السلع الأساسية، قائلًا: “يا ترى مش ده جهد دولة؟ ولا الحاجات دي اتعملت من فراغ؟ عندنا الأرز، والفول، والطعمية، وكل السلع متوفرة، هل حد نزل السوق ولقى الأسعار مضروبة في 3 أضعافها؟ مفيش حد اشتكى من اختفاء أي سلعة”.
وأشار أحمد موسى إلى أن الحكومة تعمل وفق خطة واضحة لضبط الأسعار، وأن النتائج لا تظهر بين يوم وليلة، بل تأتي بشكل تدريجي، قائلًا: “أنا بتكلم على الـ17 يوم اللي فاتوا، الدولة بتعمل كل حاجة بخطة واضحة، ومش مجرد قرارات بدون رؤية، بل هناك مجهود حقيقي لضبط الأسواق”.
وأضاف الإعلامي أحمد موسى: “بلدنا النهارده في مرحلة تانية، إحنا في بداية التعافي وبداية تحسن الأوضاع، وده نتاج جهد كبير بذلته الدولة لضبط الأسعار وتوفير السلع الأساسية للمواطنين”.
