حذر عدد من العملاء من شراء منتجات يونيون آير بسبب سوء خدمة ما بعد البيع، على حد وصفهم.
منتجات يونيون آير
وقالت سيدة مستغيثة بجهاز حماية المستهلك،” مشكلتى مع ثلاجة يونيون آير وتقريبا كل منتجاتهم وصيانتهم المرة دى الثلاجة بتجيب مياه من تحت و الباب مش بيقفل كويس – طبعا الثلاجة لسه فى الضمان – عملت بلاغ صيانة يوم السبت رقم 3419426
وتابعت،” الفنى كلمنى يوم الاحد قولتله انا فى الشغل حاليا – هنتظرك يوم الاثنين واكدت عليه علشان طبعا هاخد اجازة مخصوص من الشغل فضلت منتظرة يوم الاثنين من ١١ صباحا وتواصلت معاه على الواتس اب و رد عليا وقالى تمام وبعتله اللوكيشن ولحد الساعة ٥ لا كلمنى و لا بيرد على الموبايل ولا الواتس اب يوم الثلاثاء قعدت منتظراه بردوا وتواصلت معاه واتس اب و موبايل مش عاوز يرد ابدا “.
واستطردت،” يوم الاربعاء كلمنى الساعة ١٢ ونص … كلمته بعدها بنص ساعة وقالى انا ساعة وهكون عندك و بعتله اللوكيشن تانى زى ما هو واضح – وبعدين كلمته تانى الساعة ٢ – قالى ان بس قدامك الناحية التانية بشحن ثلاجة وجاى – ومن ساعتها اختفى تانى واكلمه لحد الساعة ٥ مش بيرد ويشوف رسائل الواتس اب ومايردش بردوا.
وقالت،” وفى الاخر اتواصل مع خدمة العملاء النهاردة يقولوا اصل الفنى ابلغنا انه بيحاول يتواصل مع حضرتك ولا يوجد رد.. قمة الاستهتار بالعملاء وفنى ماعندوش اى ذوق ولا ضمير وكمان كدب علنى والثلاجة بايظة بقالها ٦ ايام حاليا “.
وتابع عميل اخر،”للاسف من خلال تجربتي اسوء شركة اجهزة كهربائية في مصر هي يونيون اير unionair ، خاصة خدمة ما بعد البيع ، عشان ليا ثلاث ايام قاعد في البيت مش عارف اروح الشغل بسببهم عشان يصلحوا الغسالة والفني امبارح غير قطع غيار وفي الاخر متصلحتش ، و خدمة العملاء عايزني استنا سبع ايام عمل لحد ما يوفروا قطع الغيار اللي المفروض كانت تتغير من الاول”.
وتابع،” حسبي الله ونعم الوكيل فيهم ، وللاسف جايب منهم أكثر من جهاز ومكنتش اعرف انهم شركة بالسوء ده ، وكل مره فيها صيانة معاناة معاهم ، والأجهزة بتاعتهم علي قد الضمان بس ، يادوب الضمان يخلص تلاقي المشاكل في كل مكان في الجهاز ، وحسبي الله ونعم الوكيل فيهم”.
