استغاث عدد من المتعاقدين مع شركة عربية القابضة للتنمية والتطوير العمراني ، منهم من تم فسخ التعاقد معه دون اخباره ومنهم من يستغيث بسبب سوء الخدمات بعد التعاقدات والشراء.
قالت إحدى المتضررات: “اشتريت سنة ٢٠١٨ وحدة في كومباوند صن كابيتال التابع للمهندس طارق شكري شركة عربية وبعد دفع مبلغ كبير حصلي ظروف مادية قهرية واتأخرت علي قسطين بكلمهم علشان ادفع أقساطي المتأخرة قالولي تم فسخ العقد الكلام دا تم في 2021 وحاولت معاهم كتير اخد وحدتي وادفع متأخراتي بالغرمات حتي رفضوا بس كانوا بيقولوا هنشوف ونرد عليك وطبعا مكنش في اي رد أنا اللي كنت بحاول اتواصل معاهم كتير وفي الاخر بعد ما فقدت الأمل قولتلهم تمام عايزه فلوسي وطبعا بيماطلوا كتير ولا عارفة لحد الآن ٢٠٢٥ اخد اي فلوس دفعتها”.
وتابعت: “اتكلمت مع أ عمرو شكري نجل المهندس طارق شكري واتحايلت عليه تخيلوا اتحايلت عليه اخد فلوسي وفي الاخر عملي بلوك حسبنا الله ونعم الوكيل فوضت حقي عند الله”.
وقال متضرر آخر: “انا أحد السكان و دي حقيقة الشركة غاية في الاهمال و كل الكلام اللي بيقولو عن الجنة اللي هتعيش فيها كدب و الامن بيسرق من الجراجات و الشركة مش بيهمها غير تحصيل الفلوس و فروق صيانات في حين ان الصيانات زي الزفت اسوء شركة تطوير عقاري في مصر Arabia Holding”.
وأكد آخر: “الناس اللي بتفكر تشتري في زايد خلو بالكو من كومباوند جديد اسمه elora تابع لشركة عربية نفسها اللي احنا بنعاني منها في جاليريا.ما حدش يقرب منهم ومن عقودهم ومن طريقتهم السيئة في الادارة والتحكم في الملاك وكأنهم عبيد عندهم”.
وفي وقت سابق؛ استغاث عدد من المتعاقدين مع شركة إيوان للتطوير العقاري بسبب تأخر تسليمهم وحداتهم السكنية .
شركة إيوان للتطوير العقاري
وقال عدد من المتعاقدين فى شكواهم ، شركة إيوان للتطوير العقاري”IWAN Developments.. ملاك مشروع Majada – Iwan العين السخنة.. استغاثة نناشد جميع الأجهزة الرقابية والتنفيذية في الجمهورية الجديدة بقيادة الرئيس عبد الفتاح السيسي، بالتدخل العاجل نظرًا للتقصير الشديد في منطقة الجلالة، أحد المشروعات القومية الكبرى، والتي تتطور بالتوازي مع العلمين الجديدة والعاصمة الإدارية الجديدة”.
وتابعوا،” شركة إيوان، المطور المسؤول عن مشروع ماجادا – العين السخنة، لم تلتزم بالجدول الزمني، حيث يعاني المشروع من تأخر شديد، مع توقف شبه كامل للإنشاءات في الفترة الأخيرة.
