عبر إمام عاشور لاعب الفريق الأول لكرة القدم بالنادي الأهلي، عن سعادته بإنشاء ستاد الأهلي بالشيخ زايد خصوصاً وأنه سيعطي اللاعبين دوافع قوية في كل مباراة.
وقال إمام عاشور خلال بودكاست القلعة الحمراء: “نلاعب أي حد على ستاد الأهلي، أنا ألعب في أكبر نادي في القارة، ولا أخشى منافس على ستاد الأهلي”.
وتابع: ” مكنتش شاغل بالي بالدراسة لأن كنت مهتم بالكرة والتدريبات”.
واضاف: “كهربا من اللاعبين اللي قلبهم أبيض، ومن المستحيل يزعل حد، ومن اللاعبين القليلة التي تفخر بصدقتها”.
وأردف:”هسافر المنصورة أفطر مع العائلة في أول وثاني يوم رمضان، ثم أعود مره أخرى للقاهرة من أجل التدريبات”.
قال إمام عاشور لاعب النادي الأهلي، بأنه تعرض للعديد من الأمور في كرة القدم وكانت صعبة للغاية وتعلمت من كل المواقف.
وأضاف إمام عاشور في تصريحاته في بودكاست القلعة الحمراء مع سيد عبد الحفيظ، “فيه مدرب قال لوالدتي مش عاوزين إمام عاشور تاني معانا ووالدتي كانت بتبكي، وقولتلها مش مهم وهنشوف نادي تاني ومش دي النهاية.
وتابع “الموقف ده من أصعب المواقف، والمدرب مشي من النادي وتواجد مدرب جديد وتم تصعيدي في نفس الموسم للفريق الأول بنادي غزل المحلة، وأقرب ناس ليا في حياتي والدي ووالدتي وبنتي كتاليا بحبها جدا.
وأردف “كتاليا اسم أرجنتيني ومعناه زهرة بتطلع في الأرجنتين كل سنة مرة، وعندي أحلام كتير مع الأهلي وأفوز بكل البطولات وأفرح الجماهير بشكل مستمر ودايما بيساندوني في كل الأوقات وعاوز أفرحهم.
وأشار “أنا مبزعلش خالص من أي هجوم أو مضايقات ومن أي شتايم وبيكون عندي دافع كبير جدا، وتركيزي بيكون في الملعب وبس وبسمع الكلام وبينتهي كل شيء، ودايما بحاسب نفسي مع أهلي لو حصل أي تقصير وبسمع كلام العيلة.
واختتم “بقالي سنة ونص في الأهلي ومعايا 6 بطولات ومبعملش أي أزمات واسم أي لاعب في الأهلي يساوي ذهب واشمعنا اسم إمام عاشور، وبيطلع عليا إشاعات كتيرة وأنا قاعد في البيت، وممكن يصدقوا الفيس بوك أكتر مني، وأنا متسرع جداً في ردود الأفعال.
