تصدر اسم شركة ذا مارك للتطوير العقاري موقع التواصل الاجتماعى للمهتمين بالعقارات بسبب موقف من عميل أثناء رغبته فى التعاقد مع الشركة لشراء وحدة سكنية، لتنهال التحذيرات من التعامل مع الشركة بسبب تأخرها فى التسليم.
استعرض العميل الواقعة ، قائلا” انا النهاردة كنت فى ميتنج فى شركة ذا مارك فوجئت بزعيق من احد الاشخاص قال ان هو مالك معاهم انا لما شفت كدة تخوفت وخرجت انا باستفسر من حضراتكم حجم مصداقية الشركة ووادائها على ارض الواقع قبل ما اتمم عملية الشراء”.
لتنهال التعليقات محذره، فمنهم من قال”كلها مماطلة وكذب 8 سنين وأكتر في الوضع دهوهينزلو في رمضان بأعلانات عشان يجمعو أكبر عدد من الضحايا الجدد”.
وقال اخر، نصيحه بلاش دي شركه مش بتسلم حد و عندها مشاكل كتير و هيقولولك كل الشركات فيها تأخيرات و يحاولوا يقنعوك لكن دي مش بتسلم و لا عمري سمعت عن حد استلم و سكن
اختار شركه ليها سابقة اعمال و مطور مضمون”.
وتابع اخر،” حتى الأن شركة ماشفناش منها اى حاجة حلوة شكاوى كتير ملاك وندر مارك ف مستقبل سيتى لسه بيحفروا الارض وتأخير كبير حتى مشاركتهم لمكسيم ف مشروع بو سيدى عبد الرحمن (بلاج حالياً) بتطوير ماونتين فيو .. ذا مارك مش عايزه تبنى او تستكمل وحدات ملاك بو القدامى
وعماله تلعب بيهم “.
وقال اخر: “مافيش اى مصداقية حتى الأن والملاك ثائرون جداً وناويين يصعدوا ضد ذا مارك وماونتين فيو بالتوازى مع نزول اعلاناتهم ف رمضان”.
واستطرد اخر،”شركة ذا مارك للاسف بقت من الشركة ذات الصيت ال كلة مشاكل سيان الملاك ال اشتروا معاها ومابتبنيش ليهم او لناس ال عايزة تتراجع فى الشراء برصة لان الشركة مش بتبنى بيفاجاوا بان الشركة مافيش فيها مرونة ياريت الشركة زى ما بتعرف تكالب بحقها تعرف مالها وما عليها هى الشركة دة مش مطلوب منها ان تنبنى للملاك وزى ما هى بتاخج فلوس الاقساط والصيانة”.
