استغاث مواطن من شركة مصر ايطاليا للعقارات، بعد سحب مبلغ من أمواله، دون رجوعها ، على حد قوله.
وقال صاحب الاستغاثة من شركة مصر ايطاليا،” محتاج مساعده من اهل الخبره انا دفعت 50 الف جنيه جديه حجز لشقه في كومبوند البوسكو سيتي من شركه مصر ايطاليا.
وتابع: “السيلز اقنعني ادفع المبلغ ده عشان السعر ميزدش ولو كنسلت الفلوس بترجع خلال 14 يوم دلوقتي انا كنسلت و عدى شهرين من وقت ما كنسلت وبكلمهم كل يوم ومحدش معبرني ولا يقولي حتى الفلوس هترجع امتى..هل في امل الفلوس دي ترجع؟”.
وقال آخر، محذرا من الشركة”لمصر ايطاليا مبترجعش فلوس اعمل شكوي في حمايه المستهلك ادخل ع الجروبات وانت هتعرف سمعتهم كويس”.
وقال شخص اخر،” اتعملت فيا واتخصم منى ٣٥ الف ورجعوا الباقى حسبى الله ونعم الوكيل فى السيلز اللى ضحك عليا ومكنش واضح وفى الشركة النصابة”.
وفي وقت سابق؛ تصدرت شكاوى عملاء شركة تاج مصر العقارية موقع التواصل الاجتماعي ” فيس بوك” بعد تحذيرات كثيرة من العملاء.
كما اشتكي إحدي العملاء من طريقة تعامل الموظفين بالشركة قائلة،” موظفون شركة تاج مصر بيشتمو العملا بتوعهم ومعايا الاثبات”.
كما حذر عدد من العملاء غيرهم ، متابعين،” فى جروب كبير للمتضررين من تاج مصر .
وفى حوالى الف عميل رافعين عليهم قضايا بسبب عدم التسليم وفسخ عقود بدون وجه حق وفى عميله تم الاعتداء عليها داخل مقر الشركه ومعانا محضر بالحادثة.. وناس ممنوعين من الريسيل بسبب عدم دفع اتاوه المرافق المزعومه ومانعين معاينه الوحدة قبل التسليم عايزك تمضى بالاستلام من غير متشوف الوحدة وطبعا دا بعدهم”.
