اشتكى عدد من الملاك من مشروعات شركة الأهلى صبور بسبب مشاكل كثيرة بين تأخر التسليم، وعدم توافر الخدمات ، على حد قولهم.
مشروعات شركة الأهلى صبور
وقال احد المتضررين، للاسف انا استلمت في لافينير و الخدمات مش موجودة و لا النادي اللي دفعين تمنه ولا حتي عايز يخلص و يسلم باقي الناس .. للاسف صبور متاخر علي الملاك في كل الاتجاهات
وتابع،” منصحش حد يشتري بصراحة مع صبور الا لو عايز الشقة لأحفاد احفاده “.
وقال متضرر اخر،” أنا مالك لوحدة فى مشروع أوديسيا ريدج ورير وبقالى اكتر من سنتين بدفع والأرض لسه صحراء من غير مقاول ولا شغل واستلامى السنة ديه 2025 والشركة للأسف مش بتدى غير وعود كاذبة وعمرها ما اتحققت”.
وتصدر هاشتاج “الأهلي_صبور_اسم_لا_تثق_فيه” بين ضحايا ومتضرري الشركة لتحذير غيرهم من التعامل مع الشركة أو الشراء منهم.
وقال متضرر ثالث،” شركة الأهلى صبور للاسف وعدت واخلفت.. كالعادة ..مشروع لافينيير، بقاله عشر سنوات لا توجد به اي خدمات او مرافق، ده يرضي مين ..؟.
ولا يوجد اي مبرر للتعامل السيء مع العملاء الذين استثمروا أموالهم في وحدات غير جاهزة او بدون مرافق.. بوابة شيك ومن الداخل كأننا في صحراء جرداء..الله يرحم المهندس حسين صبور كل حاجة اختلفت من بعد رحيله “.
