استعرضت طالبة تدعي عبير صبري ، إحدي المشتركات بمشروع تم تقديمه ببرنامج “GEN Z” تجربتها فى التعامل مع أصدقائها فى مشروع تخرج واحد.
وقالت عبير،” انا حابه اتكلم معاكو فموضوع بعد محاولات كتير اني محكييش بس قررت فالنهاية اتكلم ، هتكلم عن مشروع snailo moon اللي انا واحدة من التيم فيه ، اكيد كلكو سمعتو عنه خاصة فالفترة الأخيرة دي ، بعد صعود المشروع لبرنامج تلفزيوني واخد دعم مليون ونص وكمل للنهائي لدعم كمان مليون ، قرر ٤ من التيم علشان هما صحاب ينفردو بالدعم لوحدهم ، وكنا متفقين كلنا نعمل براءة اختراع والنيه سليمة ما بينا ، بس طبعاً دا محصلش وبعتولنا عالجروب من غير اي مقدمات ان المشروع هما اللي هيكملو فيه من غير الباقي وان الدعم ملناش حق فيه وان المشروع من حقهم هما بحجه اننا مشتغلناش فالمشروع ، مع العلم انا صاحبة فكرة المشروع
وهنزلكو اسكرينات فالكومنتات دليل علي دا.
وتابعت،” ومع العلم ان الداتا كاملة اللي دخلو بيها البرنامج انا بردو اللي مجمعاها كنت واخدة كورس ماركيتنج مخصوص علشان المشروع ، ومع العلم ان حتي اسم المشروع snailo moon واللوجو انا اللي عملاهم دا غير تعب سنه كاملة فشغل عالمشروع وتجارب وابحاث وغيره وغيره ، وغير سفري القاهرة لمستشفي 57357 لوحدي علشان تحليل للعينه ، انا لو اتكلمت من هنا لبكرة مش هيوفي تعبي ومجهودي انا وزمايلي اللي طلعوهم من المشروع معايا”.
وقالت،” انا بس حبيت اقول الكلام دا خاصة للدفع الاصغر مننا كنصيحة بجد اوعو تدخلو مشروع تخرج مع شلة صحاب بجد هتتعبو نفسكو ومفيش تقدير وهيجو عليكي علشان صحابهم ، انا مش بكتب الكلام دا منتظرة حد ياخدلي حقي انا او زمايلي اللي معايا ، انا بكتب الكلام دا علشان غيري يتعلم منه لان حرقة القلب ان مجهودك وتعبك يروح عالفاضي دي وحشه اوي وواثقه ان ربنا ليه حكمة ف دا “.
