أكد أحمد سيد زيزو لاعب النادي الزمالك أن جمهور فريقه السبب الرئيسي والأساسي في وجودي بالنادي متابعًا: ومفيش أي سنة عدت عليا كان في حاجة في النادي كويسة وجالي عروض كتير وبأرقام كبيرة ولكن كل مرة بقول أزاي أسيب الجمهور ده وأمشي.
جمهور الزمالك
أوضح أحمد سيد زيزو، خلال لقائه ببرنامج “صاحبة السعادة” الذى تقدمه الفنانة والإعلامية إسعاد يونس، على قناة dmc، أن سبب تسميته بـ”زيزو” قائلا: “بابا زمان كان بيلعب كورة وكان بيلقبوه بزيزو فسمونى زيه، لافتا إلى أن زوجتى هدى وابنتى ايلة سندى وحياتى لاننا من المنيا وفى القاهرة بنعيش لوحدنا، وهما اللى موجودين معايا فى أى ظرف”، متابعًا: بحب اتفرج على المسلسلات، وبنتى جزء فى حياتى.
وعن قصة تعرفه على زوجته قال سيد زيزو: “لما نزلت من البرتغال أثناء الإجازة على بلدى شفت صدفة وحدة ماشية فى الشارع ومعاها أخوها الصغير فعجبتنى، فكلمت اختى الكبيرة وجبتها من البيت وقلتها شفت واحدة عجبتنى خدى رقم باباها علشان أكلمها”.
تابع أحمد سيد زيزو، أختى كلمتها وقالتها أخويا معجب بيكى، فكلمت والدها واتضح أنه يعرف والدى، وبعدها فترة الخطوبة 3 أشهر ومشيت بسرعة، موضحا أنه أعجب بزوجته وكان النصيب سهل”.
ولفت أحمد زيزو، إلى أن أهل زوجته محترمين وشبه أهلى وهى بنت بلد، وكنت وقتها بدور على وحدة شبه أمى أو اختى، وبحب والدها ووالدتها”.
